Read turkana Ngieosio 140 Bible Online

Ngieosio 140 - turkana bible

Ngieosio 140

¹(Eeos a Daudi) Ee Ekapolon Akuj, toyuunae ayong alotunga aluaronok. Toikinae alotunga alukamoitanak.

²Erekinito kesi naaronok alotai kech, ichuchuyete ejie jiik.

³ Ikote ngangajepa kech ngimunio lukangedarak. Ikote ngakiro kech akisierit a akipom.

⁴Ee ekapolon Akuj, kiyokoi ayong alotunga aluaronok. Toikinae alotunga alukamoitanak alu esakete adakar ayong.

⁵Kalokakinito ayong lukenisak, apetakis auno loger a epuute, idaito ngiloi alorot esakete akisurum ayong.

⁶Alimokinit ayong Ekapolon Akuj abala, “Iyong irai Akuj kang.” Ekapolon Akuj, kiira akigoro kang na asakea ayong atamar kingarak.

⁷Ee Ekapolon Akuj, Ekapolon kang, akaean kang nakaagongon, imuk iyong akou kang akolongit na ejie.

⁸Ekapolon Akuj, nyiitaanyu luaronok na esakete. Wara nyiisubak na esakete kesi.

⁹Wara ngimoe kang nyeeliworosi ngikedwangak. Aronis a ngakiro kech tobongok kesi ngikulepek.

¹⁰Tachakakinos ngatotol na enokete nawat kech. Tachakakinos kesi nakipany nyeepudut nabo.

¹¹Ngulu eswamete luche, nyerubete anakwap jik. Kimiekisi lukamoitanak kiriamunos ka aronis na emunyari kesi atipei.

¹²Ekapolon Akuj, ayeni atamar iikini iyong lupalag, ka aikin ni ichana.

¹³Kipuruunete iyong dir lu etenooko. Iboikinosi lu eteniyete nikon.