Read turkana Ngieosio 16 Bible Online

Ngieosio 16 - turkana bible

Ngieosio 16

¹(Eeos a Daudi) Toyuunae kare Ekapolon Akuj. Amotuno nikon kitoyuu.

²Alimok ayong Ekapolon Akuj abala, “Irai iyong Ekapolon kang. Nikon eponitotor ngiboro luajokak lu atingit ayong daang.”

³Ejokak noi ngitunga a Akuj lu eyakasi nakwap! Arukit ka kesi ngesi kajoikinit ayong.

⁴Ngitunga lu ekerete ni eya ngakujo ngache, eanyunete ngichan lukaalak. Nyamisikini ayong ngakipeyos kech. Nyelipi ayong ngakujo kech.

⁵Iyong bon Ekapolon Akuj ngesi kegieno ayong. Kiinakinit iyong ayong ibore daang ni eitanit. Nakan kon eyei akiyar kang.

⁶Kitiakak iyong ayong ewae loajokon. Iteni dir, ejok noi nikiinak iyong ayong.

⁷Epuruunit ayong Ekapolon Akuj ani karikitor. Ani nakwaare kechikichik ayong etau kang.

⁸Ewaakinit ayong Ekapolon Akuj ngaren kang ngirwa daang. Eyei ngesi diyete kang, emam ibore keteriangakini ayong.

⁹Kotere ngakiro nguna alakara ayong emaritete. Ebooyi ayong niajokon.

¹⁰Kainyo kiyuunit iyong ayong ani eyakasi ngikatoak, nabo nyikimiekini iyong ayong lo kelipit iyong alomari nakipany.

¹¹ Kidodikini iyong ayong erot lo eteni nakiyar. Alakara ayong noi ani kirukitor ka iyong. Ketalakarit ayong jik ayakau teten kon.