Read turkana Ngieosio 17 Bible Online

Ngieosio 17 - turkana bible

Ngieosio 17

¹(Eeos a Daudi) Ekapolon Akuj, topupok kare ngakiro kang, nakelipea atamar kitosubakinea na eteniyete. Kiira akigoro kang. Kiira akilip kang na emam engalas.

²Itiakuni iyong ngakiro na ejokak anikang, kimiek ngakonyen kang kingolikis ngakiro na iyookino.

³Ani kining iyong etau, ani kibu iyong nikang nakwaare, ani kining iyong ayong, emam naaronok ianyungari iyong anikang.

⁴Emam naaronok itorunito nakituk kang loger a ngitunga aluche. Ewapit ayong etal kon, nyiwapa ngirotin a ngitunga alukamoitanak.

⁵Ewapit ayong ngirotin kon jiik, emam wache abu enacha.

⁶Kanyarit iyong Akuj ani ipupio ngakiro kang. Todeta akit, kiira ngakiro kang.

⁷Kidodikinae amina kon na nyedaun a eger alo kitalari, Ani ngulu emotunosi nikon, nyetapete ngimoe.

⁸Tochoikinae ayong loger lo ichoikinitor ngakonyen kon. Kidae alotorube a ngabeben kon,

⁹atoyuun alojie a ngitunga aluaronok, ka ngimoe lukaarak keriamito ayong.

¹⁰Emam kesi ngisien, kiwogas a ngakituk kech.

¹¹Kerikaunito kesi ayong alowaitin kadaang. Esadito esakete adakakin ayong kwap.

¹²Esadito kesi anyilinyilaar ayong loger lo esaditor engatuny, eperunit etiengit tonyilinyilaa.

¹³Tonyou Ekapolon Akuj! Kitopeg ngimoe kang kidwang kesi. Toyuunae ayong a ekileng kon ani eyakasi luaronok.

¹⁴Toyuunae ayong ani eyakasi lu ejakaanito anakwap kana. Kirira kesi a ngichan alu idiatakinit iyong kotere kesi. Toliworos ngichan ngulu lu itemokino ngide kech, kimiekineta tani ngitatae kech.

¹⁵Nakaneni kaanyungari ayong iyong, kainyo emam naaronok asubit ayong. Ani anyouni ayong, ketalakari ayong nikirukitor ka iyong.