Read turkana Ngieosio 2 Bible Online

Ngieosio 2 - turkana bible

Ngieosio 2

¹Nyo etukuotor ngibukui ngakiro naaronok? Nyo etukuotor ngitunga pas?

² Ebaka ngikapolok a ngakwapea achunakin wapei akitopeg Ekapolon Akuj ka ekapolon lo aseuni ngesi.

³Abe ebalasi, “Atalachakinos anapolou kech. Atachakasi ngiriko kech.”

⁴Ekapolon Akuj lo eyei nadis ekianar kesi ka akimeny.

⁵Ani erumor kisuruor kesi engoit enyunyura ebala,

⁶“Ewaak ayong ekapolon kang kidiama Sion,[1] lo erai emoru kang.”

⁷ Ebala ekapolon kona, “Alimori ngakiro na adungu Akuj. Kalimokini ngesi ayong tama, ‘Irai iyong lokookang. Aliwor ayong apakon akolongit naga.

⁸Kilipae ayong sodi kainak iyong ngibukui daang. Eliwor akwap daang akon.

⁹ Ibili iyong kesi a asuat anakirion. Ibwangi iyong kesi kieala loger a amot analupe.’ ”

¹⁰Toosokioto tokona esi ngikapolok. Topupokisi ngakiro nakichikichikere esi nugu, esi ngikarikok a ngakwapea.

¹¹Tosuba etich a Ekapolon Akuj ikerito.

¹²Tamaranikisi idodikinito arimatoi. Ani kemam engoi ngesi tomunyaros esi, kainyo eriraununi angoit keng atipei. Epiaritae ngulu daang ematarosi nikeng!