Read turkana Ngieosio 27 Bible Online

Ngieosio 27 - turkana bible

Ngieosio 27

¹(Eeos a Daudi) Ekapolon Akuj erai akicha kang ka ayuuno kang. Ngae akeri ayong? Keratakinit ayong Ekapolon Akuj ani eyakasi naaronok daang. Ngae aemi ayong?

²Nakalosikinioto ayong ngitunga luaronok sodi katoswam, itereterokinosi tadakaros.

³Tani kerekin ajore esaki akitijwore ayong, nyaemi ayong. Tani ketijikis ayong ngimoe kang, arubakini ayong egieno Akuj.[6]

⁴Akiroit apei elipa ayong ani a Ekapolon Akuj. Akiroit ngina ngesi asaki ayong. Eboikin kai a Ekapolon Akuj ngirwa daang lu ayarea ayong. Etee kaneni ajokis keng, sodi elip atamar katorik.

⁵Kainyo kedai ngesi ayong alokol keng akolongit na a ngichan. Kemuki ngesi ayong alotooma akai keng, kesiboik niajokon kidiama ataaba nakooyen.

⁶Nakaneni ekeuni tokona ayong akou kang kileng ngakies a ngimoe kang kadaang alu keriamito ayong. Epeyoe ayong ngakipeyos alakara emaritete alokai keng. Aeokini ayong epuruu Ekapolon Akuj.

⁷Ekapolon Akuj, kiira ngakiro kang na ekalounio eute. Torimakinae ayong kiik ngakiro kang.

⁸Nailimunio iyong tama, “Bua kilipae ayong.” Abu ayong eik atama, “Abuni ayong Ekapolon Akuj.

⁹Nyiida ereet kon anikang!” Nyikitwarak kare ayong ingoit. Iyong kingarakinit ayong, nyikichaka. Wara nyikiisik, Akuj a ayuuno kang!

¹⁰Kachakasi ayong apakang ka itiokang, nakaneni kachoikini ayong Ekapolon Akuj.

¹¹Kitatamae ayong erot kon, Ekapolon Akuj. Kisiwapae ayong erot lolapat, kainyo elalak ngimoe kang.

¹²Nyikiisikinea ayong ngimoe kang. Kainyo kanyoikis ayong ngikaanyunak lukaliokok, kalosikis a ekurikur.

¹³Anupit ayong atamar aanyungari ajokis a Ekapolon Akuj eringa ayari.

¹⁴Kigienokin Ekapolon Akuj. Togogonger wara nyiimaranik. Ee robo kigienokin Ekapolon Akuj!