Read turkana Ngieosio 32 Bible Online

Ngieosio 32 - turkana bible

Ngieosio 32

¹(Eeos a Daudi) Epiaritae ngulu arimakin ngasechesea, kesi ngulu arimakin na ichwangakinito.

² Epiaritae itwaan ni ebala Ekapolon Akuj meere ekasechan. Tarai itwaan ni emam amodeanut alotau keng.

³Na awounea ayong alimor ngasechesea kang, abu katobur ani egoror apaaran juui.

⁴Ekapolon Akuj, kirirae iyong ayong akwaar ka apaaran. Adaunosi ngikilinga kang ekok ayong ngakipi na editari akolong nakamu.

⁵Abu ayong atolimo ngasechesea kang anikon. Nyiwaa ayong aronis kang. Atama ayong kalimokini iyong nguna echwangakinit, kitorimak iyong ayong ngasechesea kang daang.

⁶Kotere nguna, itwaan ni kimuno iyong daang, ejoikinit kilipi iyong na eanyunea ngichan. Ani epote ngichan lu ikote akaale, nyenangete nikeng.

⁷Nikon adukea ayong. Kiyuuni iyong ayong alochan. Alakara ayong noi ani kiyuunea iyong ayong.

⁸Ebala Akuj kona, “Ketatami ayong iyong erot lo ejoikinit iwapi. Ketatami ayong iyong ketenik.

⁹Wara nyiibangaaner loger a angole kori esikiria, alu eraakasi mati keinikin ngakito ka ngikoda lokumes kech kesi itapatuunere.”

¹⁰Eanyunete ngitunga luaronok ngichan lukaalak. Nakaneni ngitunga lu igienosi Ekapolon Akuj, eyuunit amina keng na nyedaun.

¹¹Iyong itwaan ni itenoono, talakar ani a Ekapolon Akuj, kimaritete. Esi lu iwapito ngakiro keng, kiremasi ilakara!