Read turkana Ngieosio 41 Bible Online

Ngieosio 41 - turkana bible

Ngieosio 41

¹(Eeos a Daudi) Epiaritae itwaan ni ingarakini ngikebootok. Ingarakini Ekapolon Akuj ngesi na eanyunea ngichan.

²Echoikini Ekapolon Akuj ngesi kiteyar. Etamario erai ngesi ni epiaritae anakwap. Nyimiekini Akuj ngesi alomaagor a ngimoe keng.

³Ingarakini Ekapolon Akuj ngesi na edeakakinor. Kitangalek ngidekesinei keng daang.

⁴Alimuni ayong atama, “Ekapolon Akuj, kasechakinit ayong iyong. Torimakinae ayong kitangalek edeke kang.”

⁵Keruorotor ayong ngimoe kang ngakiro naaronok. Esakete ayong atotoan tadaunos ngakiro kang kaneni.

⁶Ngitunga lu ilaunete aanyun ayong, nyepote anaajokak. Epote aanyun ngakiro naaronok, ani epudorete topetakis lotunga luche.

⁷Daang lu karemokino ayong, kengaingaatar, katagatakinito naaronok.[10]

⁸Ebalasi kesi, “Edeak logo eur akitu. Nyeringa enyouni nabo jik.”

⁹ Tani lopae kang lo etau lo amuno ayong, lopalem kimoreene ka ayong atubwa apei, kanyoiki ayong.

¹⁰Ekapolon Akuj, torimakinae kare ayong, kitangalek edeke kang. Atatachak nakasubeta ngimoe kang.

¹¹Nyekedwangete kesi ayong, atoyen atamar kijoikinito iyong ngakiro kang.

¹²Kingarakini iyong ayong kainyo asubi ayong ngakiro na iyookino. Kiwaakini iyong ayong ngaren kon jik.

¹³ Kipuroe Ekapolon Akuj, Akuj a Isirael! Kipuroe ngesi tokona ka jik! Aamen! Aamen!