Read turkana Ngieosio 45 Bible Online

Ngieosio 45 - turkana bible

Ngieosio 45

¹(Eeos a amina, eeos a talokookeng a Kora) Ileleba ngitamen luajokak lotau kang, ekusi ekapolon a eeos kalo. Ikwaan angajep kang ka ekalam a itwaan ani igirana.

²Ijok iyong idwangit ngitunga daang. Epiaritae ekiruor kon, ani kipiaritor iyong Akuj jik.

³Iyong ekajwon, tout ekileng kon. Irai iyong lokebusean, tajakaana.

⁴Toten ngaren irai ekedwangan lo ejakaana iikinit iteni ka akitiriyan ngakiro. Idwangi iyong kotere ngikilinga kon!

⁵Ekwaka ngimalea a amod kon. Eremete kesi ngitai a ngimoe kon. Edakakinosi ngibukui nakejen kon.

⁶Ekicholong a apolou lokiinak iyong Akuj erubi jik. Aburo kon a apolou erai akitiriyanet ngakiro.

⁷ Imina iyong ateneanut toremokino aronis. Ngakiro nguna kesi kiseunea iyong Akuj, na erai Akuj kon kilelebik alakara naajokon noi akidwang ngikapolok luche.

⁸Ekukunyuunito echuchuka ka ekinyaate aloworui kon. Kieonokinete iyong ngikaeok anakais ana isiritoe a ngikel a etom.

⁹Tanakookeng a ngikapolok erukito ka ngitunga lu kisiriamete iyong. Ewei akapolon aloteten kon enapit asir a egolit aloajokon noi.

¹⁰Ateran, topupok mono iyong! Todeta ngaki. Kimuriakis iyong ngakiro a ngiyenet kon ka ngitunga a awi a apakon.

¹¹Eminari akibuseanu kon ekapolon. Ejoikinit iyong iwapi ngakiro keng ani eraakar ngesi ekapolon kon.

¹²Kiinunete iyong ngitunga a Tiro ngadekon. Esakete ngikabarak ngirotin lu iminakinea iyong kesi.

¹³Eyei ateran namaniyat keng, erai nakebusean noi! Edonyunitoe eworu keng a auno a egolit.

¹⁴Arikor ngesi nia ekapolon enapit eworu lo esiritoe. Iwapito ngesi ngapesur nache na nyepero ka ngikiliok a ache, irukorito ka ngesi.

¹⁵Toloto kesi inaa elakara imariteteete, tolomasi kai a ekapolon.

¹⁶Ee robo ekapolon, ianyu ngide lukaalak lu ilunyokinosi nados kata apaakech. Itopolokini iyong kesi akwap daang.

¹⁷Erubakini ekipur kon eruo jiik kotere eeos kang, kipuruunete iyong ngibukui daang nakajik.