Read turkana Ngieosio 55 Bible Online

Ngieosio 55 - turkana bible

Ngieosio 55

¹(Eeos a Daudi) Topupok kare Akuj akilip kang. Nyikimulen nakemaimaea!

²Topupok ngakiro kang sodi kiik. Kesiasi ayong ngichan kang.

³Ketubulit ayong echale a ngimoe kang. Keleleny ni kechiakiaritotor luaronok. Kainunito kesi ayong ngichan. Kanyoikinito kesi ayong karemokino.

⁴Kabulit lokojokon ani aemitor akitu.

⁵Amarani ani kabulitor noi. Kadakakin ayong ebuloi.

⁶Arai bo toya ngabeben dang loger a akuuri! Kaporo nialonan eanga.

⁷Ee robo, kaporo nialonan, atolom nariet.

⁸Kamatar atasaka ni amechi atoyuunor alokuwam aloaronon ationon.

⁹Kinyasu kare na ereto kesi Ekapolon, Kicholiak ngangajepa kech, kainyo etee ayong ekurikur, atopupi eburas alore,

¹⁰irimito ere naparan ka nakwaare, ilelebito erukoonu ka ngichan.

¹¹Elelebun nginyas ere wadaang. Amoitanut ka akichiakiarit luche ileleba lorotin a ere daang.

¹²Arai tarai emoit kang kamori ayong, kanaikinit. Arai tarai lo kibolor kewogakini, kadukak ayong ngesi.

¹³Nakaneni, erai iyong erukitos kang. Erai iyong lopae kang, lo emam akiroit kemunoni.

¹⁴Kipot kolong ngoni atanaikisi akiruoro lopaalon. Kiloseene aapei kai a Akuj.

¹⁵Kimiekisi ngimoe kang totoaka eringa ngirwa kech nyenanga. Kimiekisi toloto lokatoak eringa eyarete! Ileleba aronis nawiyei ka lotai kech.

¹⁶Nakaneni egoronokini ayong Akuj, kayuuni Ekapolon Akuj ayong.

¹⁷Ebong, ka nataparach, ta naparan lotingilan, eburae ayong akunua. Iirari ngesi etoil kang.

¹⁸Kabuuni ngesi ayong akaalimon alojiesinei alu kijio ayong ka ngimoe kang lukaalak.

¹⁹Akuj na epolokinit napei kolong jik edetarit akit keng kidwang kesi, kainyo emam etal[12] iwapito kesi nabo nyekerito Akuj.

²⁰Etiji erukitos kang ngipaalon keng. Echwangak ngesi nasek achamunit.

²¹Anonok ngakiro keng noi edwangito akidietet, tarai ayei arem lotau keng. Asulut ngakiro keng edwangito akimiet, tarai kidungete loger a ngilengea alukakwanak.

²²Kimiekinea Ekapolon Akuj ngichan kon, kiikini ngesi iyong. Nyimianakini ngesi itwaan ni etenoono idwangio.

²³Nakaneni lukaarak ka luaronok, etiyauni Akuj. Eyaari kesi nakipany na a nginyas, eringa ngirwa epewae lu eyareta kesi nyedolo. Nakaneni kegienokin ayong iyong, Akuj.