Read turkana Ngieosio 65 Bible Online

Ngieosio 65 - turkana bible

Ngieosio 65

¹(Eeos a Daudi) Ee Akuj, itemokino iyong kipuruunio alo Sion. Erichakisi ngakikongiet kosi anikon,

²kainyo ipupi iyong akilip kosi! Epote ngitunga daang nikon,

³kotere ngasechesea kech. Kikuruworete sua ngasechesea kosi,[17] nakaneni irimakini iyong.

⁴Epiaritae lu kolong iseuni iyong yau diyete. Kisimwokete sua ngakajokak a akai kon, ka apiaro a akai kon ana italeuno.

⁵Kotere ngakiro kon naketimok, iikini iyong ngakiro kosi ka ayuun sua. Ee Akuj, iyong ngesi kiyuuni sua. Iyong ngesi kigienosi ngiborei daang anakwap ka nganamea nakalonak.

⁶Igogong iyong lokojokon noi. Kotere ngikilinga kon, idupak ngimoru ni ewaatar.

⁷Isililingi iyong erue a anam, kisililing erue a ngitoroi a anam dang. Itudunge iyong ekurikur a ngitunga.

⁸Itimito ngakwapea daang ngakiro nakatalarak na isubi iyong. Kotere nguna, apetakin alakara wadaang napei alo kide tanang too.

⁹Irichakinit iyong akwap ani ilakakinitor akiru. Iturupaka ngalup ngikinyam tokilikileta. Ilelebi iyong ngakipi nangololin. Iturupuni iyong ngikinyam analup. Ikokini iyong isubi nguna nege.

¹⁰Iyauni iyong akiru nakaalan namanat na echilitae sodi kitapapal kesi a ngakipi. Itunyusukuki iyong ngalup a elimlim, topia nginyia toruput.

¹¹Ileleb iyong ekaru ajako a ajokis kon! Nicha itorit iyong daang, idoka akimiet aloburin.

¹²Ileleba ngisipaan nachokor. Ileleba alakara nakookies a ngimukur.

¹³Epetakina ngamesekin naroatin. Engiyete ngakanoi anadipoe. Imaritete ibore daang elakara.