Read turkana Ngieosio 72 Bible Online

Ngieosio 72 - turkana bible

Ngieosio 72

¹(Eeos a Solomon) Ee Akuj, kitatam ekapolon akitiriyan ngakiro loger kon. Kitaanyu ngesi ateneanut kon,

²topolokinio ngitunga kon a ateneanut ka apolokin lukebootok itiriyanit ngakiro.

³Kimiekisi ngimoru kitaanyut ngitunga ekisil ani ngimukur yaut ateneanut.

⁴Kimiek ekapolon toik ngikebootok, kingarak lu ichanasi, ka akipudaar lu ichiakiarito kesi.

⁵Torup ekapolon loger a akolong, ka elap, analesea kadaang.

⁶Kimiek ekapolon kikok akiru na etepi namanat, kikok elimlim lo itililimi ngalup.

⁷Kisikokin ateneanut ngirwa lua apolou keng. Min ekisil tanang ngirwa lu engopea elap.

⁸ Epolokini ngesi napei ananam a apei tanang nache. Epolokini napei anangolol a Eupurate tanang ni esalunitor akwap.

⁹Ijuuruyete ngitunga lua ariet alongaren keng. Edakakinosi ngimoe keng kwap.

¹⁰Ngikapolok a Sipania ka lu eyakasi lokwarea, einakinete ngesi ngainakinet. Ngikapolok a Arabia ka Isopia einunete ngesi ngadekon.

¹¹Erimasi ngesi ngikapolok daang a akwap. Esubete ngibukui daang etich keng.

¹²Eyuuni ngesi ni ichana na enyaraa ngesi. Eyuuni ekebootonit lo emam ekengarakinan.

¹³Isieniyete ngesi lupalag ka lukebootok. Eyuuni lu ichanasi.

¹⁴Eyuuni kesi tojongoi akichiakiarit ka akidem ngiboro. Ejoikinit ngesi akiyar kech noi.

¹⁵Ekapolon toyei! Kimiekisi ngesi nakinae egolit lo eyaunitae alo Arabia. Kilipakinae ngesi Akuj jiik. Apiaro a Akuj kiruko ka ngesi apaaran juui.

¹⁶Tokoko ngamanat lokojokon anakwap. Kimiekisi ageor tongii alokidiama ngimukur, talalaar loger ana eyei Lebanon. Kimiekisi ngirerea kilelebun ngitunga loger a ngaroatin ana epetakina enyait.

¹⁷Ekiro a ekapolon tolimitetei jik. Ekipur keng torub loger a akolong. Kimiekisi ngitunga daang topiarae kotere ngesi. Enyaraate ngesi ngibukui daang lo epiaritae.

¹⁸Kipuroe Ekapolon Akuj, Akuj a Isirael! Ngesi bon esubi ngakiro nakatalarak.

¹⁹Kipuroe jik ekiro keng lokaruon! Kilelebun ekipur keng nakwapea daang. Aamen, Aamen!

²⁰Ni erai esal a ngakilipasinei a Daudi alo arai lokookeng a Yese ngesi nege.