Read turkana Ngieosio 76 Bible Online

Ngieosio 76 - turkana bible

Ngieosio 76

¹(Eeos a Asap) Eyenio Akuj alo Yuda. Erimae ekiro keng alo Isirael.

²Eyei awi keng Yerusalem. Elomit ngesi moru a Sion.

³Abili ngesi ngimalea a ngimoe kaina. Tobil aupwal, ka ekileng, ka ngiboro a ejie luche daang.

⁴Ee Akuj, ibus iyong tarai nakituruunitoe! Ijakaanit iyong noi ibonguni alomoru, alu idwangea ngimoe kon.

⁵Ademar ngasigerea nakajwok kech daang ngiboro lu angatarito. Ejotoote tokona kesi etoakito. Abu ajwonu kech daang toliwor aka pas.

⁶Ani ikilakini iyong kesi, iyong na irai Akuj a Yakobo, apot ngangolei ka ngikameak ngangolei tadakakin kwap, totoaka.

⁷Nakaneni iyong Ekapolon Akuj, kikerito daang. Emam itwaan ewei alongaren kon napei ingoea iyong.

⁸Itub iyong ngakiro iyei nadis, toem akwap kililing chek,

⁹na inyounio iyong akitub ngakiro, na iyuunea daang lu ichiakiaritae anakwap.

¹⁰Eyauni anyunyura a ngitunga ekipur nikon. Lu epuunosi alojiesinei, irichakinete ngitalio a ngisukukui kon.

¹¹Kiyookisi na ikongokinito esi Ekapolon Akuj, na erai Akuj kus. Kimiekisi daang lu eapiyete inut ngesi ngainakinet. Ngesi na eemitae.

¹²Itiditeuni ngesi lu eyenikinitae kiwogas, kitoem ngikapolok lu eyenikinitae.