Read turkana Ngieosio 81 Bible Online

Ngieosio 81 - turkana bible

Ngieosio 81

¹(Eeos a Asap) Kimariteteeto ani a Akuj, ana erai akaean yok. Kikutakisi Akuj a Yakobo.

²Kikamasi eeos tarama atamburin. Tarama ngagitae toeokis eeos lokebusean.

³ Tokutakisi aburuch kotere esukukuu lo eanyungarere elap, ka ngirwa lu ekwangia elap.

⁴Erai ibore en etal alo Isirael, lo edungunit Akuj a Yakobo.

⁵Adungokini ngesi Yosep ngakiro nguna na eriraa Akuj akwap a Misiri. Apupi ayong etoil lo nyayeni ebala,

⁶“Alema ayong ngiegosio alosegeta kus. Kemiek ayong esi kiwaakis kwap ngimataparea lu idakito.

⁷ Ani ianyuni ngichan, kitanyar ayong, katoyuu. Ani na adukitor ayong anagiro, abu keik iyong. Kening ayong iyong anakipi a Meriba.

⁸Kiirasi ngitunga kang, ngakiro nakechikichikea esi. Isirael, arai bo kiirari ngakiro kang dang!

⁹Nyeemin akuj nagela nikon. Nyiilip jik akuj ache.

¹⁰ Arai ayong Ekapolon Akuj na arai Akuj kon, na kolong kepuduni iyong alo Misiri. Tangaa akituk kon, sodi kesimuj.

¹¹“Nakaneni towout ngitunga kang apupokin ngakiro kang. Towout Ngisirael akiwap ngakiro kang.

¹²Kotere nguna, emiekinea ayong kesi ngakiro a ngitai kech alukesiak. Kiwapa ngakiro kech a ngikulepek.

¹³Arai bo kiirasi ngitunga kang ngakiro kang dang! Arai bo kiwapa ngirotin kang dang!

¹⁴Kepiyo ayong ngimoe kech atipei, edwang daang lu eremokino kesi.

¹⁵Ani lu karemokino ayong, keriedikito alongaren kang emaranete, toliwor eriras kech lokajik.

¹⁶Ani iyong, ketan a ngakanoi anaajokak, kesimwon a akimiet a ao ana ataaba.”