Read turkana Ngieosio 83 Bible Online

Ngieosio 83 - turkana bible

Ngieosio 83

¹(Eeos a Asap) Nyiililing kare Akuj! Nyiidatak kare Akuj, kori nyiichakin chek!

²Kingolik a, alomakis ngimoe kon ekurikur. Lu kiremokino iyong, ekeasi ngakonyen kech iwogasi.

³Etukito kesi akiwan ngitunga kon. Iruorotor kesi ngulu iyoki iyong.

⁴Ebalasi, “Potu atomunyasi ebukut kech, tojongoore tani alimit ekiro a Isirael.”

⁵Echamakinosi kesi topupokinos, kimorikinos aapei akitopeg iyong.

⁶Ngitunga a Edom ka Ngichimael. Ngimoab ka ngitunga a Agar.

⁷Ngitunga a Gebal, ka Amon, ta Amalek. Ngitunga a Pilistia ka lua Tiro.

⁸ Ebak Asiria dang alowae kech, aiki ngalesea a Loti!

⁹Tosubakinea na kolong isubakinea Ngimidian, tosubakinea Sisera ka Yabin anangolol a Kichon.

¹⁰Imunyari iyong kesi alo Endor, tobosikis ngawat kech nalup.

¹¹Tosubea ngikapolok kech na kolong isubea Oreb ka Seeb. Kidwang ngikapolok kech daang loger lo idwangea Seba ka Salimuna,

¹² lu alimunete tamasi, “Atolemasi ngalup a Akuj.”

¹³Akuj, kieala kare kesi loger a apua, loger a nginyia alu ekutari ekuwam.

¹⁴Loger a akim ana enomi amoni, loger lo inometa ngasarae ngimukur,

¹⁵kitwarak kesi a ekuwam kon sodi kitubul kesi a ngikuwamea kon aluationok.

¹⁶Tobutak ngileech loreetin kech, Ekapolon Akuj. Topedoreta kesi akiyen apolou kon.

¹⁷Kimiekisi kesi kiruma ngileech tobul jik. Kimiekisi kesi totoaka aloleech.

¹⁸Toyena atamar iyong bon irai Ekapolon Akuj Naationon, Akuj na Epol Noi anakwap kadaang.