Read turkana Ngieosio 88 Bible Online

Ngieosio 88 - turkana bible

Ngieosio 88

¹(Eeos a talokookeng a Kora. Eeos a Eman alo erai Esirait.) Ee Ekapolon Akuj, Akuj kang, egoro ayong apaaran juui. Ani enangi nakwaare abu nikon.

²Kiira akilip kang. Topupok akigoro kang na asakea kingarak.

³Aanyu ayong ngichan lukaalak edikino tani atoani.

⁴Kikwaanikin ayong ka ngitunga lukatoak. Adaunosi ngikilinga kang.

⁵Ekok ayong itwaan ni emuriak ngitunga alokatoak. Ekok lu aar, lu eyakasi naliel. Ekok ngitunga lu nyeringa iyong iyeni, lu nyeringa iyong ingarakini.

⁶Kiilok iyong ayong nakipany nakooyen. Kichakak nakipany nakooyen na eribokinit.

⁷Katikokin ayong angoit kon. Keliko ayong angoit kon.

⁸Kitiak iyong ayong ka ngipaalon kang, karemokinosi kesi ayong. Kainikin ayong tooma, emam kona asii.

⁹Etaapirik ngakonyen kang kotere akialolong. Ee Ekapolon Akuj, kegoronokini ayong iyong ngirwa daang, kebakinit ngakan.

¹⁰Nyingarakinete ngakitoodikinet kon nakailiilok ngikatoak! Nyeyarunete kesi kipuruut iyong!

¹¹Elimitoe amina kon na nyedaun analiel a? Kori eyei itwaan elimit atamar kimuno iyong ani eyakasi ngikatoak?

¹²Iteo ngakitoodikinet kon nakailiilok anaribu kaneni a? Kori eyei itwaan eyeni ajokis kon ani eyakasi ngulu emam itwaan itamunit?

¹³Ekapolon Akuj, kanyarit ayong iyong asaki kingarak. Kelipit iyong ataparach daang.

¹⁴Ekapolon Akuj, nyo kichakarea iyong ayong? Nyo kimulenitor iyong ayong?

¹⁵Napei kolong eringa ayong adit, echana akot akitu. Kaburu ayong atoana, kesiasi ngimacharin lu kibungaa iyong.

¹⁶Kesileleny ayong angoit kon naaronon. Kenyasu ayong eger loaronon kikoponokinor iyong ayong.

¹⁷Apaaran juui, karounito kesi ayong loger a ngakalel. Eriamuna kesi daang nikang aapei.

¹⁸Kitiak iyong ayong ka talopae kang ka ngirukitos kang daang. Ayong bon edong naribu.