Read turkana Ngieosio 91 Bible Online

Ngieosio 91 - turkana bible

Ngieosio 91

¹Itwaan ni emechit Ekapolon Akuj, ngini ibooyi alotolim a Akuj Anaationon,

²epedori alimokin Ekapolon Akuj tama, “Iyong kamechi ayong. Iyong irai awas kang nakaagongon. Irai iyong Akuj kang, na egieno ayong!”

³Iteni dir kiyuuni Akuj aloloit, tobuchun alodekesinei alukaarak.

⁴Kirapi ngesi iyong a ngabeben keng. Iboikin iyong nikeng akaalimon, ikoni amuno keng aupwal na kiikini iyong.

⁵Wara nyikibul kotere na esubasi nakwaare, kori ejie lo kituumwokin naparan.

⁶Wara nyikibul kotere naaronok esubasi nakwaare, kori naaronok earete naparan.

⁷Tani kedakakinosi ngitunga ngabunge ngatomon diyete kon, kori tadakakin ngabunge ngatomon lowaitin daang, emam ibore kiwani iyong.

⁸Ingolikini iyong a ngakonyen kon a ilope eger lo iriraare ngitunga luaronok.

⁹Itiliwo iyong Ekapolon Akuj nimechat kon. Aliwor Akuj na Epol Noi ngesi igieno iyong.

¹⁰Kotere ngakiro nguna, emam naaronok ianyunotor iyong. Emam ekurikur eapuuni nawi kon.

¹¹ Elimokini Akuj ngimalaikae keng kiyoko iyong awadaang ani ilosi.

¹²Kikamunete kesi iyong a ngakan kech nyeenanga ngamoru ngakejen kon.

¹³ Ichieki iyong ngingatunyo ka ngimunio, Ee robo ipudae ngitak a engatuny ka emun.

¹⁴Ebala Akuj kona, “Ayuuni ayong ngini kamina ayong. Aikini ngini kalimorit ayong atamar arai Ekapolon Akuj!

¹⁵Ani kanyarae, ekii, kiruki ayong ka ngesi na eanyunea ngichan. Ayuuni ayong ngesi etiliwo lo erimae.

¹⁶Etalalae ayong ngikaru keng, etaanyu ayuuno kang.”