Read turkana Ngieosio 92 Bible Online

Ngieosio 92 - turkana bible

Ngieosio 92

¹(Eeos a Sabato) Ekapolon Akuj, ejok abuakin iyong alakara. Akuj na Ipol Noi, ejok aeo kidodikinitae iyong arimatoi.

²Ejok alimor ataparach daang amina kon na nyedaun, ka alimorit nakwaare atamar irai iyong nakimunoi,

³a ngieosio a agita ka ebune, ka erue lokebusean a agita.

⁴Ekapolon Akuj, ketalakarito ngitichisio kon luketimok. Aeokini ayong alakara kotere ngakiro na isubi iyong.

⁵Ekapolon Akuj, etioko noi na isubi iyong! Etioko ngitamen kon noi!

⁶Nyitamuni ekabangabangat akiroit naga, kori nyepedori ekawaiwaat akiyen.

⁷Epedorete luaronok arupun loger a nginyia, kisikokinos lu esubete naaronok. Nakaneni esal kech kadaang ngesi amunyar jik,

⁸kainyo iyong Ekapolon Akuj ngesi ipol jik.

⁹Ekapolon Akuj, iteni emunyarosi ngimoe lukon ngulu daang lu esubete naaronok, epetarosi!

¹⁰Nakaneni kiinak iyong ayong ngikilinga lu ikote lu ekosowan, kibukok iyong ayong akimiet a alakara.

¹¹Engolik ayong a ngakonyen kang ngimoe kang idwangio. Eira a ngaki kang akigoro alu kasubeta ayong naaronok.

¹²Ekilikilete lu etenooko loger a eengol. Erupete loger a ngichekereng a Lebanon!

¹³Ikote kesi ekitoe lo itakinitae kai a Ekapolon Akuj, lo ekilikili alokai a Akuj yok.

¹⁴Tani kemojong ngesi, erubakini eyakasi ngikilinga, tolimorea ateneanut a Ekapolon Akuj.

¹⁵Kidodiu ibore ngini atamar emam ibore aronon eyei nikeng, ngesi lo erai ataaba kang.