Read turkana Ngakamatak 11 Bible Online

Ngakamatak 11 - turkana bible

Ngakamatak 11

¹Eremokino Ekapolon Akuj ngakitemiet na ingalaare ngitunga. Pearai ejoikinito ngakitemiet na eriyan.

²Iwapasi ekinis ka ngileech, nakaneni eosok lu itiditeuna.

³Erikit ngitunga luajokak ateneanut kech, ani ngulu nyemunoi, emunyari aronis kech.

⁴Nyikingarakini ebari akolongit na akitu, pearai ateneanut ngesi kiyuuni anakitu.

⁵Ateneanut a itwaan aniajokon ngesi ingarakini eboyor keng. Inyasunosi luaronok make kotere aronis kech.

⁶Eyuuni ngitunga luajokak ateneanut kech. Eeni lu nyemunoi arorokanut kech.

⁷Na etoanea itwaan niaronon, totoan tani akigieno keng. Itwaan ni nyilipit Akuj, nyeanyuni ibore ni imuit.

⁸Eyuunio lu etenooko alochan, toreeun ngichan ngulu lotunga luaronok.

⁹Itwaan ni nyilipit Akuj, inyasuni itwaan niche a akituk. Eyuuni lu etenooko aosou kech.

¹⁰Na eanyuneta lu etenooko apiaro, talakaros ngitunga a ere daang. Na etoaketa ngitunga luaronok, min ekare lo alakara lotunga.

¹¹Ipuruunio ere lo epiarete ngitunga lu etenooko, nakaneni inyasunete ngakituk aluaronok ere.

¹²Ebangaana itwaan ni imenyarit luche, nakaneni ililingi itwaan nikooson.

¹³Itwaan ni irimitor ngiturum, emam ngakiro imunoni. Nakaneni itwaan ni emunoi, imunoni ngakiro.

¹⁴Edakar akwap na emam erikitene loajokon. Ni eyakasi ngikesuruorok luajokak, ibooyo akaalimon.

¹⁵Itwaan ni eweikini akitach amicha a itwaan anigela, ekii. Itwaan ni engeri aweikin, nyeanyuni ngichan.

¹⁶Erimae aberu naajokon, eriamuni aberu naaronon ngileech. Nyeriamuni ekile lokalany ngaropiyae, nakaneni ebari lokaturonon.

¹⁷Esubi itwaan nikapatanan, ngakiro na ejoikinete ngesi. Nakaneni ewan itwaan nikamoitanan bon.

¹⁸Eanyuni itwaan niaronon ngatachet na alioko, eanyuni ni etenoono ebachit lo a iteni.

¹⁹Ikayaran itwaan ni iwapit natenoyek, ani ni eneikina naaronok, etoani.

²⁰Eremokino Ekapolon Akuj ngitunga lu itamete naaronok. Nakaneni emina ngesi lu esubete naajokak.

²¹Toyen atamar irirao ngulu esubete naaronok, nakaneni epuunosi lu etenooko.

²²Aberu nakebusean tabangaana, ikwaan ka ekababaat a egolit alokume a eputir.

²³Eanyunete lu etenooko nguna esakete, ee robo, eanyunete naajokak. Eyaunete ngakiro na igienosi luaronok anyunyura.

²⁴Iposi itwaan iche ibore peemisit, tonger neni tabar noi. Ekudit iche akan nyiposi, tonger neni kiboot noi.

²⁵Tapataketa sodi tabareta, kingarak luche kingarakin iyong dang.

²⁶Ilamete ngitunga itwaan ni idait akimuj idaritor ngaropiyae na egielere kiatakin. Epiario ngini egielari nakeng.

²⁷Itwaan ngini esaki naajokak, eminakinio. Ani ngini esaki naaronok, eriamuni naaronok.

²⁸Ngini igieno ebari keng, eraraar loger a ngakui ana eokito. Ekilikiluuni ni etenoono loger a ngakui anakalibak.

²⁹Itwaan ni eyauni ngichan nawi keng, elarakin, ekuwam bon eanyuni. Eliwor ekabangabangat ekedalan a ekooson.

³⁰Kiteyari ateneanut[5] nakaneni kiari amoitanut.

³¹ Ani ketacheeneo lu etenooko kane anakwapea, ani bo luaronok ka ngikasechak, nyetachio ngulu noi a?