Read turkana Ngakamatak 13 Bible Online

Ngakamatak 13 - turkana bible

Ngakamatak 13

¹Iirari ikoku nikooson ngakitatamet a apakeng, nakaneni nyechamuni nia ngimeny akikilakino.

²Eanyunete luajokak ebachit a ngakiro ana iruorosi, nakaneni imuit lukaliokok amoitanut.

³Ngini echoikinit akituk keng, irichunit akiyar keng. Ngini ingamangama, inyasun bon.

⁴Imuit itwaan nikalany ibore nakaneni nyeanyuni. Eanyuni itwaan ni etionikinit etich ibore ni esaki daang.

⁵Eremokino itwaan ni etenoono alioko, nakaneni eraakasi ngakiro a itwaan aniaronon ngaka ngileech ka ngimeny.

⁶Iyoki ateneanut ngitunga luajokak. Aronis edakanari luasechak.

⁷Ebalasi ngiche kibarit, tamam ibore etingito. Ebalasi ngiche kiboosit, tabarito noi.

⁸Elemuni ekabaran ebari keng toyuunor. Emam ibore eyuunor ekebootonit.

⁹Ikote lu etenooko akicha na imaunit, ikote luaronok ataa na enyikinyiki.

¹⁰Eyauni ekinis ngichan. Eosok lu esakete akitatamo.

¹¹Ebari lo ekopunio atipei, engopiari atipei. Ebari lo isilekuunio a ngichan, ngesi iatakin.

¹²Ani kengop ibore ni igieno iyong, kilelenyi iyong. Ani kiyookin ngakiro nakimuito, talakar lokojokon.

¹³Itwaan ni engeri akitatamo naajokon, inyasun bon. Itwaan ni iwapit akitatamo naajokon, ejokearosi ngakiro keng.

¹⁴Ikwaan ngakitatamet alukoosok ka eitanit a ngakipi a akiyar. Kingarakinete topuun aloloit a akitu.

¹⁵Erimae ngitunga lukachwaak, nakaneni ngulu nyemunoi, iwapito erot lo a nginyas.[6]

¹⁶Esubete lukoosok ngakiro kech daang a achwaanu, nakaneni elimorito lubaang abaangu kech.

¹⁷Eyauni emeanara loaronon ngichan, eyauni lo emunoi ekisil lotunga.

¹⁸Itwaan ni engerit akitatamo, eriamuni eboot ka ngileech. Ngini echamit akikilakino, eriamuni ekipur.

¹⁹Elakar etau kon erai kiriam ibore ni isaki. Engerito lubaang areeun anaronis.

²⁰Itwaan ni irukete ka ngikoosok, eosuni. Ngini irukete ka ngikabangabangae, inyasun.

²¹Iwapit ekeny aronon ngikasechak awadaang, nakaneni etachakinio lu etenooko apiaro.

²²Eisikinea itwaan niajokon ngide a ngide keng ebari kiruma. Nakaneni elosi ebari a ngikasechak lotunga lu etenooko.

²³Epedorete ngamanat na nyitatae akoniun akimuj nakaalan, tanyama ngikebootok, nakaneni iratakinito ngitunga luaronok ngamanat nguna nyiitae.

²⁴Itwaan ni nyetingakinit ikoku keng akulit, nyemina ikoku ngini. Itwaan ni emina ikoku keng, erionokini ngesi.

²⁵Etingit itwaan ni etenoono akimuj na isimwoni. Enyamit itwaan niaronon akoro jiik.