Read turkana Ngakamatak 2 Bible Online

Ngakamatak 2 - turkana bible

Ngakamatak 2

¹Lokoku, kitatam ngakiro kang, kirichak nguna kadungokini.

²Todeta akit kiira aosou, tasak etau kon achwaanu.

³Ee robo, kilip achwaanu, kimaimai taanyunea akiyen ngakiro.

⁴Ani kisak lokojokon loger lo esakere akwangat, torip loger lo eripere ibore niajokon ni idaitae,

⁵iteni ianyuni eger a akiker Ekapolon Akuj, toyen ngakiro a Akuj.

⁶Kainyo Ekapolon Akuj ipotonori aosou, nakituk keng itorunit achwaanu ka akiyen ngakiro.

⁷Einakinit ngesi ngulu etenooko aosou, erai ngesi aupwal alu emunoi.

⁸Iyoki ngulu esubeta luche na eriyan, itee ngulu emunosi ngesi.

⁹Ani kiira iyong ngakiro kang, iyenuni ngakiro na iyookino, ka na eriyan ta naajokak. Iyenuni erot loajokon daang.

¹⁰Kainyo iosuni iyong, kitalakari achwaanu iyong.

¹¹Kiyokiyete iyong aosou ka achwaanu.

¹²Kiratakis ani eyakasi naaronok. Kiratakis alotunga alu erikito ngakituk kech ekurikur,

¹³alotunga alu aisikis eboyor lo etenoono, tolomasi loboyor a akisech,

¹⁴ngitunga lu italakarit akisub naaronok, lu ejoikinit aronis a akisech,

¹⁵ngitunga luparing a ngirotin, ka lu nyemunoi.

¹⁶Ipedori akinger aberu namalaat na itoboboe akituk kimalaunea iyong,

¹⁷na nyemuno ekile lokeng a ilope, kimuriak akikong na kolong ekongi ani a Akuj.

¹⁸Ani kilot iyong kai keng, nakitu ilosi. Erai alosit inaa, aapiar lokatoak.

¹⁹Nyebonguniyete ngikiliok lu eloseenete nikeng. Nyebonguniyete nabo nakiyar.

²⁰Kiwap robo elote a ngikiliok aluajokak kiboi eboyor lo etenoono.

²¹Ngikiliok lu etenooko, ngikiliok lu erimae, elomete nakwap nayok naga.

²²Elemari Akuj ngitunga luaronok anakwap, toruto ngikasechak anakwap, loger lo erutorere ngikito analup.