Read turkana Ngakamatak 27 Bible Online

Ngakamatak 27 - turkana bible

Ngakamatak 27

¹ Wara nyiiwogakinor akolongit naka moi. Kainyo nyiyeni ngakiro na irukunioto.

²Kimiek itwaan niche kipuruu iyong, meere iyong ilope a akituk kon. Kimiek nigela kipuruu, meere iyong ilope a angajep kon.

³Epot amoru, epot asinyen dang, nakaneni ngichan lu eyauni itwaan nibaang, epotiok noi, idwangit apotis kech na amoru ka asinyen.

⁴Emoitana anyunyura tarai na nginyas, nakaneni erono etereku noi idwangit luarei ngulu.

⁵Ejok akikilakin na eleri akidwang amina na idaitae.

⁶Ejok epae tani kiwan ngesi iyong, akidwang emoit, tani kinuak iyong.

⁷Engeri itwaan ni imwonit tani akimiet a ao. Ebobokinit nia akoro tani akimuj naadwaran.

⁸Itwaan ni engopi anawi, ikwaan ka ikeny ni eoliyori alokai keng.

⁹Italakarete ngamieta nakaakunyok itwaan, nakaneni ipirisaarete ngichan etau.

¹⁰Wara nyiichaka ngipaalon kon kori ngipaalon a apakon. Ani kitinga ngichan, nyiilot nia lokaatokon kingarak. Kingarakini ekidunyet lo eapi akidwang lokaatokon lo elona.

¹¹Lokoku toosu, sodi atalakar ayong. Ataanyu ngakiro na atachakini itwaan niketoronit.

¹²Ingolikini itwaan nikooson ngichan, sodi totiaak. Nakaneni itwaan ni nyemisit, elomari lochan kiitok ariangakin.

¹³Tolema eworu a itwaan, ani eweikini amicha a itwaan aniche, kiratak mono, tatachae amicha torumor.

¹⁴Itwaan ni enyouni nataparach elilim, kimala ekidunyet keng irema, etamario kori ilama.

¹⁵Ikwaan aberu nakeburan ka etipitip a akiru.

¹⁶Ikwaan akisililing aberu ngina ka akisililing ekuwam, kori abunakin akimiet nakan.

¹⁷Epedori asuat akipenar asuat nache. Aloger alopei kangolo, itatama itwaan ngakiro a itwaan aniche.

¹⁸Itwaan ni iyoki emeyan, enyami ngameyana keng. Ekapolon lo echoikini ekasuban etich keng, erimae.

¹⁹Ani kiripak iyong ngakipi, inwakun ereet kon anakipi. Ani kiripak etau kon, inwakun iyong ilope.

²⁰Eger lo nyimwoketa ngalup ngikatoak, emam ngakonyen ibore eupi.

²¹Akim eroyere egolit ka akwangat. Iningio itwaan daang a ekipur keng.

²²Tani kidich iyong ekabangabangat kirakar, nyitwaari abaangu keng.

²³Totwar ngamesekin kon lokojokon, kiyok ngaatuk kon niajokon,

²⁴kainyo nyerubi ebari. Nabo nyerubi apolou apei analesea kadaang.

²⁵Na etubere nginyia a ngaatuk, toruput lukiteat, totuboe nginyia lu eya lomukur.

²⁶Ianyuni iyong ngiworui anajul a ngamesekin, togielunea ngaanei kon ngache amana.

²⁷Ani ngaanei na idongete, ilepi iyong, kitanea ngitunga a awi kon ka iyong ilope, aapei ka ngikedalak kon.