Read turkana Eeos Lokebusean Noi 8 Bible Online

Eeos Lokebusean Noi 8 - turkana bible

Eeos Lokebusean Noi 8

¹Arai bo tarai iyong lokaatokang dang, lo etanaki itiokang! Kerai nakiriamar lorot, katonuak nyeekachikis ngitunga.

²Kerai kai a itiokang karikori, kitatam amina kaneni. Kainak emuna loadwaran, tamat emuna kang lo a ngalam.

³Echolongit ayong akan kon na alokedieny kilogakinite na aloteten.

⁴Ekoe ngaberu a Yerusalem, kemaimai atamar nyiichan amina kosi.

⁵Ngae en ebunit anariet, egongakina ni eyei lominat keng? Ketekienyuni ayong iyong alokwap ekalale, ani kolong ariabar itiokon, ani kolong kidounere iyong.

⁶Wara itwaan iche nyeemin lotau kon, mati ayong bon. Nyiilogak itwaan iche ngakan kon, mati ayong bon. Kainyo etiono amina ikoni aliel. Etiono ekimue ikoni akitu. Erirauni loger a asarae, tonoku loger a akim anakariran.

⁷Nyitudungeete ngakipi. Nyilikorete ngakalel. Nakaneni ani kesak itwaan akigiel amina a ebari keng, ngimeny make eriamuni.

⁸Eyei sua nakaatokosi naachi, eringa ngisikin nyejipuna. Kikokini sua ngesi ai, na eponere eloto?

⁹Arai tarai ngesi awas, kidukok ngesi akai na edirisit a ngakwangae. Arai tarai ngesi ekidor, keduk kisiriamae ngakito a echekereng.

¹⁰Arai ayong awas, eraakasi ngisikin kang ngakais keng na edirisito. Eyeni lominat kang atamar nikeng aanyunitor ajako.

¹¹Ni enyaritae Baal Amon, eyei amana a ngimusabib a Solomon. Eyakasi ngiketak lu ichikakinit ngesi, tatach ipei kech daang ngaropiyae abunget apei.

¹²Eyei ayong amana a ngimusabib, nakang a ilope! Iyong Solomon! Toting akon bunget, totinga ngiketak ngamiae kech naarei.

¹³Aminat kang, kimiekinae eira etoil kon alomana. Idarito ngirukitos kang akiirar iyong iruorikini.

¹⁴Bua nikang atipei, lominat kang, loger a egete, loger a egereo alosorokit, alomoru alu itao ngikito lu itukukunyete akimuj.