Read turkana Isaya 15 Bible Online

Isaya 15 - turkana bible

Isaya 15

¹ Ngakiro nugu kesi adwario kotere Moab. Amunyar ngirerea a Ari ka Kir akwaar apei, adaun Moab.

²Adokasi ngitunga a Dibon lomukura akigoro. Iutete ngitunga a Moab kotere ngirerea a Nebo ka Medeba. Elurito ka akibany ngabokonya.

³Ngitunga lu eyakasi lorotin, enapito ngiguniae, lu eyakasi nikalapatan a ere ka lu eyakasi naitae a ngakais, igorosi daang esutonokinete.

⁴Ekalout ngitunga a Echibon ka Eleale, enangit akigoro kech Yaas. Aawanikis tani ngasigerea a Moab, epirisaar kesi ngitai.

⁵Egoro ayong kotere Moab! Amatarosi ngitunga lore a Soar ka Egilas Chelichiya. Adokasi ngiche iwapito erot lo eteni Luis, igorosi kesi eloose, amatarosi ngiche Oronaim eewanete ani amunyarere.

⁶Aono ingolol a Nimirim, aoniyosi nginyia lua ekwaas, emam ibore aliban eringa idongit.

⁷Edokete ngitunga adipo a Atiriwae iwokito ebari daang lo angatarete ka ngiboro lusek ekachakinito.

⁸Igoro akwap a Moab daang, enangit echale a akigoro Egilaim ka Beerelim.

⁹Tani kerengera angolol na eyei lore a Dibon ngaakot, eringa Akuj esaki ayaun nginyas luapolok noi. Lupiyayek ematarosi alo Moab, emeuni Akuj ngingatunyo taara kesi.