Read turkana Ngilawi 12 Bible Online

Ngilawi 12 - turkana bible

Ngilawi 12

¹Tolimok Ekapolon Akuj Musa tama,

²“Tolimok Ngisirael kona, ani kepoti aberu kidou ikoku nisapat, eliwor ngesi na nyitaleunitoe a ngirwa a ngikan-kaarei, kikok eger lopalem sek eyakar lolap ibooyo.

³Ilengerio ikoku ngini akolongit na a ngakan-kauni.

⁴ Erubakini aberu ngina erai na nyitaleunitoe a ngirwa a ngiche a ngitomwon-uni ka nguuni. Ngirwa ngulu, nyejoikinit ngesi etapi ibore ni italeuno, kori nyeeloma loeam a Akuj eringa ngirwa lu italeunere ngesi nyedauna.

⁵“Ani kidou aberu ngina ikoku nipese, eliwor ngesi na nyitaleunitoe a ngirwa a ngitomon ka nguomwon, kikok eger losek eyakar lolap ibooyo. Erubakini aberu ngina erai na nyitaleunitoe a ngirwa a ngitomwon-kapei ka ngikan-kapei.

⁶“Ani enangi ngirwa lu italeunere ngesi, kerai lua ikoku anisapat kori lua anipese, eyauni ngesi nia emuron a Akuj anakituk a eam a Akuj, imesek ni ekaru a epei erai akipeyos na inomio, ta kidomelio, kori akuuri erai akipeyos a akisech.

⁷Erikuni emuron a Akuj ngesi ngaren Ekapolon Akuj tolem akipeyos na italeunio ngesi. Nakaneni eliwor ngesi na etaleun. Ngakiro nguna kesi esubi aberu kidou kerumor.

⁸ Ani kengopiki aberu imesek, eyauni ngakurio ngaarei kori takidomelio ngaarei. Eliwor apei aka akipeyos ana inomio, toliwor nache aka akipeyos a akisech. Italeuni emuron a Akuj ngesi, toliwor ngesi na etaleun.”