Read turkana Yeremia 45 Bible Online

Yeremia 45 - turkana bible

Yeremia 45

¹Ekaru lo a nguomwon lo araakar Yeoyakim lokookeng a Yosia ekapolon a Yuda, kigir Baruk ngakiro na esisakinit ayong Yeremia ngesi. Abu ayong atolimok ngesi

²atamar Ekapolon Akuj na erai Akuj a Isirael, alimuni tama, “Baruk,

³ abe ibala iyong, ‘Oitiakoi kare! Eatak Ekapolon Akuj akialolong lochan kang. Ketubur ayong akunua, kangopiki kona eangari.’

⁴“Nakaneni ayong Ekapolon Akuj ayatari ibore daang ni aduki nabo arutori ibore daang nikolong etakini. Asubakini nguna anakwap kadaang.

⁵Ikwa isaki iyong ngakiro natenoyek a? Tojongo akisak nguna. Ayauni ayong ngakiro naaronok noi lotunga daang, nakaneni ibucharor lo erai iyong akiyar kon, awadaang anicha ilosi. Ayong Ekapolon Akuj alimu nguna.”