Read turkana Yeremia 5 Bible Online

Yeremia 5 - turkana bible

Yeremia 5

¹Ngitunga a Yerusalem, tamataros ama ka ama! Kisemoto taanyungasi esi ngikulepek! Toripa ni egielanarere ngiboro. Ekoe, eyei itwaan esubi na etenooko, tosubi na eraakasi iteni a? Ani keyei, erimakini Ekapolon Akuj Yerusalem.

²Tani kikongete esi alokiro a Ekapolon Akuj, meere ngakiro nguna iteni.

³Ee Ekapolon Akuj, isaki iyong jiik ateneanut, Ibu iyong taram kesi, nakaneni nyepipilikina kesi. Ipudaari iyong kesi, nakaneni towout kesi arikin. Echanaketa noi. Awout kesi akilung ngasechesea kech.

⁴Abu ayong atama, “Eraakasi ngitunga lu ngikebootok, emam ibore ekachito. Nyeyenikinitae ngitunga lugu, ebangaaka. Nyeyenete erot a Ekapolon Akuj. Ee robo, nyeyenete etal a Ekapolon Akuj kech.”

⁵Alosikini ayong ngikapolok eruoro ka kesi. Eyenete kesi dir erot a Ekapolon Akuj, ka ngitalio a Ekapolon Akuj kech. Nakaneni angeda kesi daang ngamasea na eenitere, awatasi ngarukanes na eenitere.

⁶Kotere ngakiro nguna, earete ngingatunyo lu eponito anamoni kesi. Enyilinyilaarete ngipeei lu eponito anariet kesi. Elomarete ngirisae awowoot alorerea kech. Enyilinyilaario ngitunga lu epudorete nikalapatan, kainyo elalak ngasechesea kech, nabo angero kesi Akuj ngangeriet nakaalak.

⁷Ingita Ekapolon Akuj ebala, “Ekokini ayong karimakini esi ai? Kingero esi ayong, Ikongete esi a ngirora a ngiborei alu nyeraakasi ngakujo dir. Abu ayong kesimuj esi kimwoko, nakaneni tarata esi ngikalomak, toliwor ngamalaae irukitotor esi jiik.

⁸Kikokis ngangolei na ituupitae akimuj na emerasi a etereku. Eyei ipei kus daang etereku kotere aberu a ekidunyet keng.

⁹Ekoe, ikwa isakete esi nyekerira kotere nguna? Ikwa nyatachakini ayong ngakiro ani eyei ebukut lo ikoni nege a? Ayong Ekapolon Akuj alimu nguna.

¹⁰“Kinyasutu ngamanat keng a ngimusabib, nakaneni nyiinyasut noi. Tobilu ngaten keng kainyo nyeraakasi ngaka Ekapolon Akuj.

¹¹Kainyo Ngisirael ka ngitunga a Yuda, nyeringa kamunosi ayong jik. Ayong Ekapolon Akuj alimu nguna.”

¹²Iruorotor kesi Ekapolon Akuj alioko ebalasi, “Emam ibore esubakini ngesi. Emam naaronok kianyunor ngoni. Nyikiriamun ka akwara kori eron.

¹³Emam ibore iruorosi ngikadwarak pearai ekuwam, kainyo emam akiroit eyei nikech. Kimiekisi na iruorosi kesi nguna tosubakin anikech a ngikulepek.”

¹⁴Kalimokini ayong Ekapolon Akuj Namerikanyer tama, “Ani kona alimunioto kesi nguna, etiliwori ngakiro kang akim anakituk kon. Eliworosi ngitunga lugu ngakito, enomiari kesi akim ngina.

¹⁵“Esi Ngisirael, ayauni ayong ebukut anialonan kiterem esi. Erai ebukut ngolo lokaagongon, nabo erai longorot noi. Nyiyenete esi angajep kech, kori nyichoiarete na elimunete. Ayong Ekapolon Akuj alimu nguna.

¹⁶Earaka ngimalea kech a amod. Eraakasi ngasigerea kech daang nakajwok.

¹⁷Emunyarete ngikinyam ka ngamuja kus. Emunyarete talokookus ka tanakookus. Emunyarete ngisipaan a ngamesekin kus ka ngaatuk. Emunyarete ngimusabib kus ka ngimeyana. Inyasunete kesi ngawasea na igienosi esi.”

¹⁸Ebala Ekapolon Akuj kona, “Nakaneni tani ngirwa ngulu, nyamunyari ayong kesi daang.

¹⁹Ani kingita kesi iyong tamasi, ‘Nyo kisubea sua Ekapolon Akuj na erai Akuj kosi ngakiro nugu daang?’ Ilimokini iyong kesi tama, ‘Eger lokolong ingerioto esi Ekapolon Akuj kiwapa ngakujo a ngakwapea anache anakwap kus, isubete esi dang etich ngitunga a akwap anache, anakwap ana nyerai akus.’ ”

²⁰Ebala Ekapolon Akuj kona, “Tolimok ngalesea a Yakobo, tolimok ngitunga a Yuda kona:

²¹ Topupokisi esi ngikabangaanak lu enangakina ngakies. Eyakasi esi ngakonyen nakaneni nyiteete. Eyakasi ngaki nakaneni nyiirarete.

²²Ayong arai Ekapolon Akuj. Nyo pekikeritotor esi ayong? Nyo peimaraneta esi alongaren kang? Ewaakini ayong asinyen etiliwo ekukuor a anam. Ekukuor lokajik lo nyiporori ngesi. Tani kekulaut ngitoroi, nyilaparosi. Tani keruu anam, nyiporori ekukuor ngolo.

²³Nakaneni ichanaka ngitunga lugu, kangerito ayong. Areasi alot wache.

²⁴Nyelimuno kesi alotai kech kona, ‘Atokera Ekapolon Akuj, Akuj yok, nakiinunit akiru na enangea ngirwa a akiru. Akiru na etepunea ka na ngirupei. Kiinakinite ngirwa lu itemokino elemere ngamanat.’

²⁵Aronis kus eratak nguna nyianyut esi. Ngasechesea kus kidemasi esi naajokak.

²⁶“Elomito luaronok kiding ngitunga kang. Eperete kesi edukito loger a ngitunga alu elokete ngikieny. Elokakinito kech ngatach kech, isurumete ngitunga.

²⁷Eger lo ilelebea ekalokan ngikieny nakikap, eger lopei ngolo elelebeta kesi ngakais kech ngiboro lu edemete ngitunga. Ngakiro nguna aliworotor kesi ngitunga lu eyenikinitae taraakas ngikabarak,

²⁸atuma kolong anakut. Kotere eboyor kech loaronon, emam ngakiro eriakasi kesi. Nyesubeta kesi ngikokiok na itemokino kisikokinotor, nabo nyeikinito lu ichiakiaritae nyeesubere ngakiro na nyeriyan.

²⁹“Ekoe, nyerirae ayong kesi dir kotere ngakiro nugu a? Ekokini ayong peatachakini ngakiro kotere ebukut lo ikoni nege lo ai? Ayong Ekapolon Akuj alimu nguna.

³⁰Akiroit naaronon nakiteriangakini asubakin anakwap kanaga.

³¹Edwarete ngikadwarak alioko nikirion. Epolokinito ngimurok a Akuj ngitunga loger lo itatameta ngikadwarak. Ebobokinito ngitunga kang ngakiro nguna. Ani bo na enangea esal, ikokinete kesi ai?”