Read turkana Yeremia 6 Bible Online

Yeremia 6 - turkana bible

Yeremia 6

¹Tamataros toyuunos, esi ngitunga a Benjamen! Kipungaros alore a Yerusalem! Tokutakisi aburuch alore a Tekoa. Kidodiutu emachar alo Bet Akerem! Akitu ka nginyas luaronok, eponito alokwap.

²Esikwaanit ayong ere a Sion ka achokor nakaliban.[4]

³Elomete ngikapolok neni ka ngasigerea kech, itoweyete ngieman kech kiriama ere, elomi ipei kech daang ni cha esaki.

⁴Elimunete tamasi, “Tonyoutu atoremo Sion. Atosubakinos! Kiremi naparan lotingilan!” Nakaneni elimunete ekisidi tamasi, “Oitiakoi kare! Abe etioko ngakiro kianyuni ngoni! Kedooyo akolong, kilikakis ngitorubei lua atabong.

⁵Ani kikote neni tonyoutu atoremo nakwaare. Kinyasuni ngawasea a ere.”

⁶Alimu Akuj Namerikanyer kona, “Totubo ngikito. Toduko ngakatiputipui kiriameta Yerusalem. Ejoikinit ere logo irirao kainyo ileleba aronis.

⁷Eger lopei ikiunitor akar ngakipi, ngesi ikiunitor Yerusalem aronis keng. Apupi ayong erukoonu ka nginyas alotooma keng. Edeke ka ngajemei kesi etee ayong jiik.

⁸Ngitunga a Yerusalem, toliworos nguna nakikilakinete esi, nyakachakarea ayong esi jik, kikokis ariet na emam itwaan elomit.”

⁹Ebala Akuj Namerikanyer kona, “Kidepudepuutu Ngisirael lupiyayek, loger lo idepunere ngamusabib daang alokitoe. Kotere nguna, ejoikinit iyuuni itwaan daang ni ipedori ayuun eringa ngirwa.”

¹⁰Tangae esuruorikini, ekilak topupokis? Kingolik a, enangakina ngaki kech, nyiirarete ngakiro. Ikoni akiroit a Ekapolon Akuj anikech ibore ni ejamuaritae. Nyeminasi kesi jik.

¹¹Kotere nguna, Ekapolon Akuj, anyunyura na ingoikinitor iyong kesi, arirau anikang, kaburu akidait alotooma kang. Katolimok Ekapolon Akuj tama, “Tobukok lode lu eyakasi lorotin a ere ka losorok lu echunakina wapei. Ee robo, erikorio ngikiliok ka ngaberu aapei. Tani ngikasukou ka ngitunga lumojong noi, emam lu eisikinio.

¹² Ipotorio ngakais kech nakinae ngitunga luche, aapei ka ngamanat ta ngaberu kech. Kainyo erirae ngitunga lu elomito nakwap naga.

¹³Kesi daang, napei ani eyenikinitae tanang ni nyeyenikinitae, iterekuyarit aanyun ebari. Napei alokadwarak tanang lomurok a Akuj, eliokoko kesi daang.

¹⁴ Eenete ngajemei a ngitunga kang ipasakinito. Ebalasi, ‘Eyei ekisil’, tarai emam ekisil!

¹⁵Apot mono kiruma ngileech na asubeta ngakiro nakikadakinete nguna? Mam jik! Nyiruma kesi ngileech jik. Peayenete tani atamar akirum ngileech nyo. Kotere ngakiro nguna, edakarosi kesi loger lo edakarotor luche. Na eriraa ayong kesi, eliwor esal kech ngolo. Ayong Ekapolon Akuj alimu nguna.”

¹⁶Alimokini Ekapolon Akuj ngitunga keng tama, “Towaa ani ichiereta ngirotin, kingoliasi. Kingitas ngirotin lungorok, ka ni eyei erot loajokon, kiwapakis. Iboikinosi esi akaalimon. Nakaneni ipot esi tamasi, ‘Nyikiwapi sua erot ngolo.’

¹⁷Ani erumor kerumak esi ngiketeok atama, ‘Topupo eruye a aburuch.’ Nakaneni ipot esi tama, ‘Nyikipupi sua.’ ”

¹⁸Kotere ngakiro nguna, tolim Ekapolon Akuj tama, “Topupokisi esi ngibukui, toyena na esubakinosi alotunga kang.

¹⁹Topupok kare akwap! Kingolik a, ayauni ayong akitu lotunga lugu. Erirae kotere na etukito kesi, kainyo nyemisikina kesi ngakiro kang. Ani etal kang, angero.

²⁰Nyo kang emitina lo eyaunitae alo Cheba? Kori ekitoe lo itukukunyi akimuj lo eyaunitae anakwap anaalonan? Nyachamuni ayong ngadekon kech nabo nyakajoikinito ngakipeyos kech.

²¹Kingolik a, alokakini ayong kesi, ewaak ngiborei lu ilegeunete tadakasi. Taapa ka talokookech emunyarosi, emunyarosi ngikidunyet dang ka ngipaalon.”

²²Ebala Ekapolon Akuj kona, “Kingolikisi a, eponito ngitunga alokwap. Eneteuna ebukut loationon alowaitin alualonak anakwap.

²³Etingito ngakawa ka ngakwaaras, ngitunga lukamoitanak emam ngisien. Ani eloose kesi edokito ngangolei, ikoni eruye a ngakejen kech lo a anam ana ekulae. Arekinosi loger a itwaan ani anyou ejie, akitijikin iyong Sion!”

²⁴Ebalasi Ngisirael, “Kiira sua ngakiro nguna, ating ngakan kosi emudekeke. Kiriabakin sua loger a aberu ana esaki akidoun.

²⁵Nyikilosi namanat kori nyikilae alorotin. Kainyo etingito ngimoe ngiboro a ejie, elelebun ebuloi wadaang.”

²⁶Elimokinit Ekapolon Akuj ngitunga keng ebala, “Tanapa ngiguniae kipunupunos alokuruon. Kigoro tosutonokis loger a itwaan ani igoro lokookeng lo erai epei bon, kainyo ebuni ekamunyaran kitorem atipei.

²⁷Yeremia, kaseu ayong iyong kining ngitunga kang toyen eboyor kech, loger lo iningio itwaan ngasua.

²⁸Eraakasi daang ngikasechak lukechanak. Irimito akwap eswamete luche. Egogong ikote asuat nanyang ka nakirion. Eraakasi daang lu iwapito amodeanut.

²⁹Erirae adui iwari asarae lokojokon, akeiasi ngimalea alotooma akim. Erai pas arubakinit akitoseg ngitunga kang, kainyo nyelemanario luaronok.

³⁰Enyarao kesi asakatan a akwangat, kainyo ayong Ekapolon Akuj anger kesi.”