Read turkana Esekiel 2 Bible Online

Esekiel 2 - turkana bible

Esekiel 2

¹ebala, “Itwaan, tonyou towo. Asaki ayong akisuruor iyong.”

²Ani kesuruorikini ngesi ayong, tolom etau a Akuj nikang ketowo ayong, torubak ngesi kesuruori ayong ebala,

³“Itwaan, kamearit ayong iyong nia Ngisirael. Kangerito kesi ayong, nabo eringa ichwanganakinete ngakiro kang tani tokona, loger lokolong kata apaakech.

⁴Ichanaka kesi nyakakerito ayong. Kamearit ayong iyong tolimok kesi ngakiro nguna alimokini ayong Ekapolon lo arai Ekapolon Akuj kesi.

⁵Ngitunga lukechanak ngulu, ani kiirasi kesi ngakiro kon kori pekiirasi, eyenunete cha kesi atamar ayei ekadwaran kiding kech.

⁶“Nakaneni iyong itwaan, nyejoikinit iemi kesi kori ngakiro nacha elimunete. Tani kiriam iyong ngirega ka ngiikwa, kori tosub kori ibooyi alokiding ngikuutanea, nyiem ngakiro kech, kori ngireetin kech, kainyo eraakasi kesi ngitunga a awi anakechanan.

⁷Ilimokini iyong kesi ngakiro daang nakalimokini ayong iyong, erai kiirasi kori kemam, emam ngakiro. Toyen atamar ichanaka kesi.

⁸“Nakaneni ani eliwor iyong itwaan, topupok ngakiro nakalimokini. Nyiichananer iyong dang loger kech. Tangaam tanyam ibore nicha kainakini ayong iyong.”

⁹Ani akienyiari ayong, engolik akan na atingit akitab ibaunitae nikang. Egiritae akitab ngina.

¹⁰ Tanganya ngesi akitab ngina alongaren kang. Egiritae ewae lo alongaren ka lo aabor akigoro ka akialolong, ka akuutere ta ariaba.