Read turkana Esekiel 33 Bible Online

Esekiel 33 - turkana bible

Esekiel 33

¹Kesuruor ayong Ekapolon Akuj tama,

²“Itwaan, tolimok ngitunga kon nguna esubakinosi na ayaunea ayong ejie nakwap. Eseunete ngitunga a akwap kangina ipei kech toliwor eketeon.

³Ani ingolikini ngesi emoit ebunit taram elii kitoosu ngitunga.

⁴Itwaan cha daang ni iirari elii nyeekachik, ani kear akwara a emoit ngesi, eliwor akitu keng aka akiding keng a ilope.

⁵Eirari ngesi elii sodi nyeekachik. Eliwor akitu keng aka akiding keng a ilope. Arai takachik ngesi, keyarit.

⁶Nakaneni ani kingolik eketeon emoit ebunit sodi nyeeram elii kitoosunio ngitunga, dio bu emoit a akwara taar ngitunga, apaikini ayong eketeon ngolo akitu a ngitunga kangulu.

⁷“Tokona bocha, itwaan, ketiliwori ayong iyong eketeon a Ngisirael. Tolimonok kesi ngakichikichiket daang na itorunete nakituk kang.

⁸Ani kalimok ayong itwaan niaronon atamar etoani, sodi nyiikilak iyong ngesi tapalikinea aronis keng, etoani ngesi anaronis keng, nakaneni iyong ngesi ayong akitu keng.

⁹Nakaneni ani kikilak iyong itwaan niaronon, tolimok atamar toreeun alorot aloaronon, towou ngesi areeun alorot keng, etoani ngesi anaronis keng nakaneni iyuun iyong.”

¹⁰Kesuruor ayong Ekapolon Akuj tama, “Itwaan, tolimok Ngisirael ngakiro na elimuuniyete kesi ebalasi, ‘Kinua sua ngasechesea kosi ka aronis kosi, ngesi kimunyaror sua. Kikokini sua kiyari ai?’

¹¹Tolimok kesi atamar ekongi ayong Ekapolon lo arai Ekapolon Akuj, na ayari abala nyejoikinito ngakonyen kang akitere ekasechan etoani. Pearai asaki toreeun anakisech toyar. Wae Ngisirael, toreeunos! Ee robo, toreeunos alorotin kus aluaronok. Nyo isaketa akitu?

¹²“Tokona bocha itwaan, tolimok Ngisirael atamar na esechea itwaan ni etenoono, nyeyuuni ngesi ateneanut keng. Ani kepaliki itwaan niaronon akisech, nyirirao ngesi kotere aronis keng, nabo ani kesub itwaan ni etenoono akisech, nyeyuuni ngesi ateneanut keng.

¹³Apedori ayong alimokin itwaan ni etenoono atamar eyari, nakaneni ani kigienokin ngesi ateneanut keng sodi tosub akisech, nyetamuni ayong ngakiro naajokak asubi ngesi tani apei. Pearai etoani ngesi kotere akisech na asubaki.

¹⁴Apedori ayong atolimok itwaan niaronon atamar etoani, nakaneni ani kereeun ngesi anakisech keng tosub nguna iyookino tojokak,

¹⁵sodi tobua ibore a itwaan nikolong atingit idaritor amicha etachio, kori tobua ibore ni akokoi, sodi kiwap ngitalio a akiyar, nyeesech, eyari ngesi dir, nyetoani.

¹⁶Nyetamuni ayong ngasechesea nakolong asubi ngesi tani apei. Asub ngesi nguna iyookino tojokak, eyari ngesi dir.

¹⁷“Tarai ebalasi ngitunga kon, ‘Nyeriyan erot a Ekapolon Akuj!’ Tarai bo lokech ngesi nyeriyan.

¹⁸Na erear itwaan ni etenoono anateneanut keng sodi tosech, iteni etoani kotere akisech ngina.

¹⁹Nakaneni na ereeunor itwaan niaronon anaronis keng sodi tosub nguna iyookino tojokak, eyari ngesi kotere nguna.

²⁰Tarai ibalasi esi, ‘Nyeriyan erot a Ekapolon Akuj.’ Ee Ngisirael, atubi ayong ngakiro kus, itwaan daang itemem ka nguna asubi.”

²¹Akolongit na ngakan a elap alo a ngitomon a ekaru alo a ngitomon ka ngiarei a arikonot kosi, bu itwaan ni apuun alo Yerusalem katolimok ayong tama, “Aukor Yerusalem!”

²² Atabong nache eringa itwaan ngini nyebuno, katikokina sek ayong agogongu a Ekapolon Akuj. Ani ataparach na abunio itwaan ngini, tangaa Ekapolon Akuj akituk kang[27] eruorik ayong nabo atojongo achakina chek.

²³Katolimok Ekapolon Akuj ayong akiroit tama,

²⁴“Itwaan, ebalasi ngitunga lu elomito lorerea lu enyasun kona, ‘Arai kolong Aburaam itwaan ipei tarai ainakinitae akwap daang. Nakaneni kilalak sua, erai akwap akosi dir.’

²⁵“Tolimok kesi atamar abala ayong Ekapolon lo arai Akuj Ekapolon kona: Inyamete esi akiring na eyakasi ngaakot, ilipito ngakujo nasubuna nabo iarete ngitunga. Na ikoneta esi neni a, eliwor akwap akus dir a?

²⁶Igienosi esi akwara. Isubete esi ngakiro nakikadakinete. Elomi ipei kus daang naberu a ekidunyet keng. Na ikoneta esi neni a, eliwor akwap akus dir a?

²⁷“Tolimok kesi atamar abala ayong Ekapolon lo arai Ekapolon Akuj kona: Ekongi ayong na ayari atamar eari akwara ngulu elomito nakwap na enyasun. Ngulu eyakasi naroatin areikin ngitieng a moding tanyama. Ani ngulu edukito anawasea anakaagongok ka ngaburiburio, amunyari a edeke aloaronon.

²⁸Etiliwori ayong akwap alaireng, tasalut lukolong kajwok enisatar kesi. Esilekerosi ngimoru a Isirael, nyepedorete ngitunga akitor.

²⁹Ani etiliwori ayong akwap kech alaireng kotere ngakiro naaronok noi asubete kesi, toyena kesi atamar arai ayong Ekapolon Akuj.”

³⁰Tolim Ekapolon Akuj tama, “Itwaan, kiruorotor iyong ngitunga kon anawasea ka lodorin a ngakais kech. Elimonokinosi kesi ebalasi, ‘Potu apana eirasi akiroit na abu ani a Ekapolon Akuj!’

³¹Epote kesi nikon loger a ngitunga, kiboikinos ngaren kon loger a ngitunga kang, sodi kiirasi ngakiro na iruoro iyong, nakaneni nyiwapete. Idodiunito kesi aminatoi lokojokon a ngakituk pas, tasakete ngitai ngakiro kech a ngikulepek.

³²Ikoni iyong anikech itwaan ni eeo ngieosio lua aminatoi kori ni erami agita, kainyo epupete ro kesi ngakiro na iruoro iyong nakaneni nyiwapete.

³³Akolongit na esubakinotor nguna, tarai esubakinosi! Ngesi elimoreta kesi atamar ayei ekadwaran kiding kech.”