Read turkana Amos 6 Bible Online

Amos 6 - turkana bible

Amos 6

¹Oitiakoi! Abe etioko nginyas eanyunete ngulu eyakasi najako alo Sion, ka ngulu ibooyete akaalimon alomoru a Samaria, esi ngitunga lu kiyenikinitae anakwap kana ana eyenikinitae anakwapea kadaang, lu erai nikus emotuununosi Ngisirael!

²Kapesi kingolikisi ere a Kaline, ani erumor toloto lore loapolon lobe Amas, sodi toremoros lore a Ngipilisti lobe Gas. Ejokak kesi akidwang Yuda ka Isirael a? Epol akwap kech akidwang nakus a?

³Wae! Itolonito esi akolongit naaronon ngina, tarai itaapuunito a ngakiro ana isubete.

⁴Oitiakoi! Abe etioko nginyas ianyunete esi lu iperete alokitandae alu itokorianitae a ngikel a etom, lu itorwaanarete ngawat alokicholongo aluapolok, tanyamete akiring a ngimesekin aluuchik ka na ngitak.

⁵Iminasi esi akirok ngieosio loger lokolong a Daudi, tosuba ngagitae na eeore.

⁶Imaase esi emuna a ngatubwae, kiwasas ngamieta nakaakunyok, tarai nyigorosi esi kotere nginyas a Isirael!

⁷Kotere ngakiro nguna, iliworosi tokona esi lu ekingaren kirikio. Esalunete ngisukukui kus ka ngajakoi.

⁸Ekapolon Akuj Namerikanyer, ekong a ekiro keng ebala, “Kakadakinit ayong ekinis a Ngisirael, aremokino ayong ngakais kech naapolok, epotokini ayong ngimoe ere kech loapolon ka ibore daang ni eyei tooma.”

⁹Ani keyakasi ngikiliok ngitomon lu idongito nawi apei, etoakete daang.

¹⁰Eyenet a itwaan ani atoana, ni erai ngesi enuki akwaan, ipuduni akwaan alokai. Ingisi ngesi itwaan ni eringa eyei kai tama, “Eyei itwaan iche eringa irukito ka iyong a?” Tatachu ni eyei kai tama, “Mam.” Sodi tolim eyenet tama, “Kililing! Atochoito kilimuni tani ni erai ekiro a Ekapolon Akuj.”

¹¹Kainyo napei cha edungunio Ekapolon Akuj akiroit, eukorio ngakais naapolok ka naachik kielaros.

¹²Eporeenete ngangolei anatabab a? Echileenete ngitunga anam a ngimongin a? Nakaneni ilocho esi ngakiro na eriyan aliworosi akisierit nakaaran, ani ageor a ateneanut kisikokis apid.

¹³Iwojosi esi ani ilemareta Lodebar.[3] Ibalasi esi, “Eyakasi sua ngikilinga lu kilemarea ere a Karnaim.”[4]

¹⁴Ebala Ekapolon Akuj Namerikanyer, “Ee Ngisirael, kingolikisi a, etonyouni ayong ebukut torem akwap kus, kichiekiarete kesi esi napei anapak a Amas alokwap, tanang nangolol a Araba alokuju.”