Read turkana Yona 4 Bible Online

Yona 4 - turkana bible

Yona 4

¹Toronikis ngakiro nguna Yona lokojokon, tongo.

²Sodi kilip ngesi Ekapolon Akuj tama, “Kelipit iyong Ekapolon Akuj, meere ngakiro nakolong alimuni ayong nugu eringa ayei nakwap kang a? Ngakiro nguna kolong ekirikirakinor ayong atodok atolot Tarchich! Kainyo ayeni ayong atamar irai iyong Akuj na aminatoi tarai na ngisien, irai jiik na nyingoyeene atipei, tarai jiik naajokon, na ilocheene ngitamen kon sodi nyiirira.

³ Ee Ekapolon Akuj, tokona bocha, tolema akiyar kang. Kemaimai atamar ejoikinit ayong atoani akidwang akiyar.”

⁴Tatachu Ekapolon Akuj tama, “Isubak iyong naajokak ani ingoitor a?”

⁵Ani erumor topudo Yona nikalapatan a ere tolot lowae lo alo kide, adukokin egaach keng, ka akiboikin lotorube a egaach idarit akingolikin ngakiro na esubakinere ere.

⁶Nakaneni tomeu Ekapolon Akuj ekitoe kiturup, tarap Yona a etolim keng, kiboikinor Yona niajokon. Talakar Yona noi kotere ekitoe ngolo.

⁷Ani akolongit nache ebayi tomeu Ekapolon Akuj ekurut kirika ekitoe ngolo tooniyo.

⁸Ani ipiripiruuni akolong, tomeu Akuj ekuwam lokariran a akide tonom akou a Yona tasak akirakar, kimu ngesi akitu, sodi tama, “Ejoikinit ayong atoani akidwang akiyar.”

⁹Nakaneni tolimok Akuj Yona tama, “Nyo kon ekitoe ingoitor iyong kotere ngakiro keng?” Tatachu Yona tama, “Ejoikinit ayong angoi, atongo tanang atoani!”

¹⁰Tolimok Ekapolon Akuj ngesi tama, “Kisienit iyong ekitoe, tarai nyesuba iyong etich keng, kori nyiturupuna, ekitoe lokolong arupuni a apei kwaar, tongopia nabo akwaar apei.

¹¹Ani nyo bo pekesieniyo ayong Ninewi? Ere loapolon ngolo, lo eyakasi ngide ngabunge amiat apei ka ngatomwon-arei lu nyepedorete akiyen atamar nyaani akan na erai teten ka na erai kedieny, toyakas ngibaren lukaalak!”