Read turkana Ekimar 33 Bible Online

Ekimar 33 - turkana bible

Ekimar 33

¹Ngakwapea nugu kesi alomeenete Ngisirael a ngitela kech na arotokinioto alo Misiri erikito Musa ka Aron.

²Egireene Musa ekiro a akwap kadaang anacha elomio, loger lo adunguunio Ekapolon Akuj.

³Arotokinete Ngisirael alo Misiri akolongit na a ngatomon ka ngakan a elap alo ekingaren a ekaru, arai akolongit na atupit na a Adeparet ana ekingaren. Apot kesi iyoki Ekapolon Akuj, torotokis alo Rameses iteete Ngimisiri

⁴lu anukete talokookech lu ekingaren lusek aari Ekapolon Akuj. Alorot kangolo, abu Ekapolon Akuj kidodiu atamar epolot agogongu keng idwangit na a ngakujo a Misiri.

⁵Torotokis Ngisirael alo Rameses toloma Sukos.

⁶Ani erotokinete kaneni toloma Esam lokwaas a ariet.

⁷Ani enyounete kaneni, toreas toloto Pi Airos, kide a Baal Sepon, sodi toloma diyete Migidol.

⁸Torotokis a lo Pi Airos kitoro nanam a Chamu,*g** tolomasi nariet a Chur. Adaunet a ngirwa a nguuni eloose, toloma Mara.

⁹Ani enyounete kaneni, toloto Elim, toloma neni kainyo ayakasi ngileleae a ngakipi ngitomon ka ngiarei ka ngikito a ngingolea ngitomwon-kaarei.

¹⁰Torotokis alo Elim toloma diyete apas a Sues.

¹¹Ani enyounete kaneni, toloma nariet a Sin.

¹²Ani erumor toloma Dopuka,

¹³ani erumor toloma Aluch.

¹⁴Ani enyounete kaneni toloma Repidim, ni amam ngakipi na emaase kesi.

¹⁵Torotokis alo Repidim toloma nariet a Sinai.

¹⁶Torotokis anariet a Sinai toloma Kibiros Atapa.

¹⁷Ani enyounete kaneni toloma Aseros.

¹⁸Ani enyounete kaneni toloma Risima.

¹⁹Torotokis alo Risima toloma Rimon Peres.

²⁰Tonyout kaneni toloma Libuna.

²¹Ani enyounete kaneni toloma Risa.

²²Torotokis alo Risa toloma Keelasa.

²³Ani enyounete kaneni toloma moru a Cheper.

²⁴Torotokis kaneni toloma Arada.

²⁵Ani enyounete kaneni toloma Makelos.

²⁶Tonyout kaneni toloma Taas.

²⁷Tonyout kaneni toloma Tera.

²⁸Ani enyounete kaneni toloma Mitika.

²⁹Torotokis kaneni toloma Hachimona.

³⁰Torotokis kaneni toloma Moseros.

³¹Ani enyounete kaneni toloma Bene Yaakan.

³²Tonyout kaneni toloma Hor Agidigad.

³³Tonyout kaneni toloma Yoti Basa.

³⁴Ani enyounete kaneni toloma Aburona.

³⁵Ani enyounete kaneni toloma Esionigeber.

³⁶Ani enyounete kaneni toloma nariet a Sin (ngesi Kadech).

³⁷Ani enyounete alo Kadech toloma moru a Hor, lokwaas a akwap a Edom.

³⁸Loger lo adungunio Ekapolon Akuj, abu Aron lo erai emuron a Akuj todoka moru a Hor, totoan kaina, akolongit na ekingaren a elap alo a ngikan a ekaru alo a ngitomwon-omwon, napei kolong apudunioto Ngisirael alo Misiri.

³⁹ Arai Aron ngikaru amiat apei ka ngitomwon-arei ka nguuni na atoanea alomoru Hor.

⁴⁰Abu ekapolon a Ngikanaan lo ebooyi alo Negeb kiira atamar eponito Ngisirael.

⁴¹Torotokis Ngisirael alomoru a Hor toloma Salimona.

⁴²Torotokis alo Salimona toloma Puno.

⁴³Ani enyounete kaneni toloma Obos.

⁴⁴Ani enyounete kaneni toloma Abarim anakwap a Moab.

⁴⁵Tonyout kaneni toloma Dibon Gad.

⁴⁶Tonyout kaneni toloma Alimon Dibilasaim.

⁴⁷Ani enyaunete Kaneni toloma moru a Abarim, diyete emoru a Nebo.

⁴⁸Ani enyounete kaneni toloma naroatin a Moab, ekwakaye angolol a Yorudan alo Yeriko.

⁴⁹Sodi toloma kiding Bes Yechimo ka adipo a Ngio.

⁵⁰Anaroatin a Moab ekwakaye Yorudan alo Yeriko, abu Ekapolon Akuj tolimok Musa

⁵¹ngakiro nugu kotere Ngisirael. “Na idokareta esi ekwakaye Yorudan tolomasi nakwap a Kanaan,

⁵²kiritasi ngitunga daang lu elomito nakwap ngina. Kinyasutu ngakujo kech daang nasubuna a ngamoru ka ngasua ka wadaang ni ilipeeneta kesi.

⁵³Tolemasi akwap toloma, kainyo kainakinit ayong esi akwap ngina.

⁵⁴Totiakatiaka akwap a akiram ekura, totiakanak ngitela ka ngimacharin lugelagelae. Akwap naapolon nakinae ngitunga lu elalak, ani akwap nadiochichi nakinae ngitunga lu ekidioko.

⁵⁵Nakaneni ani pekiritasi esi ngitunga lu elomito neni, ludikidio lu idongete, kichanete esi kikokis ngiborei lukadopak ngakonyen kus ka ngiikwa alosiepion kus, nabo kitijiete kesi esi.

⁵⁶ Ani pekiritasi esi kesi, kamunyari ayong esi loger losek asakea amunyar kesi.”