Read turkana Naum 2 Bible Online

Naum 2 - turkana bible

Naum 2

¹Ninewi, adolu ekealaran kon! Toweik nikiratakinet ngimoe! Tochoik erukudi! Tonyou lojie! (

²Anang Ekapolon Akuj ni ebuunea akibuseanu a Isirael tobong lopit lo kolong ekoni eringa ngimoe nyengatara ngiboro keng.)

³Erengak ngaupwala a ngikajwok keng, enapito ngiworui luarengak puu. Enyounito kesi lojie! Ewaliwalete ngaurukukui kech loger a asarae! Eporoporote ngangolei kech!

⁴Amotun ngaurukukui kech lorotin enyunyurasi, etubonorosi alokiding ere. Imileasi loger a ngakinwaket, ibironorosi loger a akimilea.

⁵Anyarae ngikaweikinak, imatamatasi eloose, ikirikiraarosi nawas, etowaa egaach lo esipokinio ngakito nabwanget awas.

⁶Angaar ngidorin lua angolol daang, abul ngitunga a awi a ekapolon.

⁷Arikor aberu a ekapolon, ekunuasi ngikasubak etich keng loger a ngakurio, iwokito ngakan.

⁸Ikoni Ninewi abwel na elakakinit ngakipi elelearete. Igorosi kesi ebalasi “Towo! Towo!” Tamam itwaan ingoliuni akamaluwot.

⁹Tangatasi ngakwangae! Tangatasi egolit! Ileleba ebari lore! Eyei ibore nikaalan a ngaropiyae daang.

¹⁰Abwangabwangaar! Alaireng ka nginyas! Alilimiyosi ngitai amaranikis ngakungin, apipileketa ngachirin, akwangiasi ngireetin daang!

¹¹Aliwae eyei lo ikwaan ka akai a ngingatunyo, ni erai aurienet a ngitak a ngingatunyo, ni eyaununi engatuny akimuj keng, kiboikinos ngitak keng akaalimon?

¹²Enyilinyili engatuny akiring na itemokino kotere ngitak keng, sodi kirumak angatuny akiring. Ilelebi ngaburiburio keng akimuj, kileleb akai keng akiring na enyilinyilitae

¹³Ebala Akuj Namerikanyer, “Kingolik a, kiroa ayong ka iyong. Enomi ayong ngaurukukui kon a akim. Emunyari akwara ngitak kon, katodema ngiboro lu kolong ingatari. Nyeringa nabo iirario ngakiro a ngimeanara kon.”