Read turkana Agai 1 Bible Online

Agai 1 - turkana bible

Agai 1

¹ Ekaru lo a ngiarei araakar Dario ekapolon a Persia, akolongit na ekingaren a elap alo a ngikan-kapei, abu Ekapolon Akuj tolim akiroit kisitoru nia ekadwaran Agai. Asaki Ekapolon Akuj akiroit ngina kisisakinae Serubabel lo arai lokookeng a Chealitiel, lo arai ekaweikinan a Yuda, ka emuron a Akuj loapolon lo anyaritae Yochua lokookeng a Yeosadak.

²Tolimok Akuj Namerikanyer Agai tama, “Abe ebalasi ngitunga lugu eringa ngirwa lu ebongokinere akiduk akai kang nyenanga.”

³Ani erumor tolimok Ekapolon Akuj ngitunga akiroit naga, kisitoru nia ekadwaran Agai ebala,

⁴“Ngitunga kang, nyo ibooyoto esi anakais anaajokak, kimiekinito akai kang erai asakatan?

⁵Kingolikisi tokona esi ngakiro a eboyor kus!

⁶Itakis esi nakaalak, nakaneni ilema nadikidio. Imujete akimuj, nakaneni nyimwokete. Imaase emuna, nakaneni nyikiupi. Inapete ngiworui, nakaneni nyemokearosi ngawat. Ani ngini esubi etich, esibit iwaanakini ngaropiyae lochue lopedepedo.

⁷Ikwa nyitamakinete kolong esi toyeneta ibore ni esubatar ngakiro nugu anikus a?

⁸Kapesi tokona lomukur yaut ngakito tobongokinioto akiduk akai ngina, sodi atalakaror ayong kelipere kaneni.

⁹“Igienosi kolong esi akilem ngalemet nakaalak, ilema nadikidio. Ani na iyauneta esi ngalemet nawi, atokuta ayong nikalonan. Nyoni asubea ayong kongina? Erai ni imiekinitotor esi akai kang erai asakatan, tarai esubi ipei kus daang etich alokai keng.

¹⁰Ibore ngini ngesi emamakar akiru, nabo ngesi emamakar ibore erupunit anakwap.

¹¹Ayau ayong eron nakwap. Ayau eron lomukur, ka lomanikorea, ka namanat a ngimusabib, ka na ngikito a akimiet, ka nginyia, ka ngitunga, ka ngibaren, ta ibore cha daang ni itakinete esi.”

¹²Serubabel lokookeng a Chealitiel, ka emuron loapolon anyaritae Yochua lokookeng a Yeosadak ta ngitunga daang lupiyayek,[1] apot tosuba nguna alimokinit Ekapolon Akuj na erai Akuj kech. Tosuba tani nguna alimokini ekadwaran Agai lo ameuni Ekapolon Akuj na erai Akuj kech. Apot ngitunga tokera Ekapolon Akuj.

¹³Ani erumor, abu Agai lo arai emeanara a Ekapolon Akuj tolimok ngitunga ngakiro a Ekapolon Akuj tama, “Alimu Ekapolon Akuj kona, ‘Kirukit ayong ka esi.’ ”

¹⁴Abu Ekapolon Akuj kitalaka ngitai a ngitunga tolemunos akisub etich keng. Ngitunga ngulu kesi Serubabel lo aweikinit Yuda, ka Yochua lo arai emuron loapolon, ta ngitunga daang lupiyayek. NOTE TEXT MISSING Pot kesi akisub etich lo ebongokinere akiduk akai a Akuj Namerikanyer, ana erai Akuj kech,

¹⁵akolongit na ngatomwon-arei ka ngoomwon a elap alo a ngikan-kapei a ekaru alo a ngiarei araakar Dario ekapolon a Persia.