Read turkana Sekaria 3 Bible Online

Sekaria 3 - turkana bible

Sekaria 3

¹ Anakisingolikinet a ache, kedodik ayong Ekapolon Akuj emuron loapolon enyaritae Yochua ewei alongaren emalaikat a Ekapolon Akuj. Aloteten keng, engolik Ekipe ewei esaki akititakin Yochua.

² Tolimok emalaikat a Ekapolon Akuj Ekipe ngolo tama, “Iyong Ekipe, nyope kikilakinea Ekapolon Akuj iyong! Ee robo, kikilak iyong Ekapolon Akuj nakolong aseuni Yerusalem. Ikoni itwaan en akitoe na akopunio anakim.”

³Awei Yochua alongaren emalaikat enapit ngiworui lu iunukat.

⁴Tolimok emalaikat ngirukitos keng tama, “Talachasi ngiworui lu iunukat enapit ngesi lugu.” Ani erumor tolimok ngesi Yochua tama, “Alema ayong akisech kon sodi kainak iyong ngiworui lukiteat tanap.”

⁵Tolimok ngesi kesi tama, “Tobutokisi ngesi apukot naasegan nakou.” Apot kesi kikokis neni, kitanapa ngesi apukot naasegan ka ngiworui, towei emalaikat a Ekapolon Akuj kaneni.

⁶Kichikichik emalaikat Yochua tama,

⁷“Akuj Namerikanyer ebala, ani kiwap iyong ngirotin kang kiira ngakiro nakalimokini ayong, ipolokini iyong awi kang ka ngalaarin. Eirari ayong ngakilipasinei kon, loger lo apupio ngakilipasinei a ngimalaikae alu ewaasi alongaren kang.

⁸ Topupok robo Yochua, iyong lo irai emuron loapolon a Akuj, topupokisi esi dang ngimurok luche lu irukito ka ngesi, lu iraakasi emachar a ngirwa aluajokak isidiuno. Edodiuni ayong ekasuban etich kang lo enyaritae Ateni!

⁹Toyena atamar ewaak ayong ngaren Yochua amoru apei na eyakasi ngireetin ngikan-kaarei. Egerokini ayong ngagiran kidiama keng, sodi atolema akisech a akwap kana a akolongit a apei. Ee robo, ayong Akuj Namerikanyer ngesi alimu nguna.

¹⁰ Akolongit ngina, enyarauni ipei kus daang ekidunyet keng, kiboikinos nikaalimon namanat a ngimusabib ka ngimeyana.”