Read turkana Sekaria 4 Bible Online

Sekaria 4 - turkana bible

Sekaria 4

¹Emalaikat losek kiruoro ka ayong, bu nabo ketekienyu loger lo itekienyunere itwaan ni ejotoe.

²Sodi kengit tama, “Nyo itee iyong?” Atatachu ayong atama, “Etee ayong ni esipor ataa, ni esubunitae a egolit bon. Eyei atubwa kidiama keng. Ni esipor ataa, eyakasi ngataae ngakan-kaarei. Ayei nikoororon ni irepakinio awaru na inokanakinio.

³Diyete ni esipor ataa neni, ayakasi ngikito a akimiet ngiarei, epei teten, loche kedieny.”

⁴ Engit ayong emalaikat atama, “Ekaapaan, nyo eger a ngakiro kanu?”

⁵Kengit ngesi ayong tama, “Ikwa nyiyeni iyong a?” Atatachak ayong atama, “Ee, nyayeni ayong ekaapaan.”[1]

¹⁰ Katolimok ayong emalaikat tama, “Eraakasi ngataae nakan-kaarei nguna ngakonyen ngakan-kaarei a Ekapolon Akuj na iteete akwap wadaang.”

¹¹Engit ayong ngesi atama, “Ani nyo eger a ngikito a akimiet alu ibakit epei aloteten kibakite loche alokedieny ani esipor ataa.

¹² Ani nyo eger a ngaten anaarei a ngikito a akimiet aluarei eyakasi diyete ngiporotoi luarei a egolit lu eleleunitor akimiet.”

¹³Kengit ngesi ayong tama, “Ikwa nyiyeni iyong a?” Atatachak ayong atama, “Ee, nyayeni ayong ekapolon kang.”

¹⁴Abu ngesi katolimok ayong tama, “Eraakasi lugu ngitunga luarei lu aseu Ekapolon anakwap kadaang, kidokak akimiet nakies tosuba etich.” Ngakiro na echikakini Akuj Serubabel Katolimok ayong emalaikat atamar atolimok Serubabel akiroit a Ekapolon Akuj na ebala, “Meere ngikilinga, meere agogongu pearai etau kang ngesi idwangea iyong.” Akuj Namerikanyer alimu nguna. Kiatak tama, “Be nyo mono iyong emoru apolon? Alongaren Serubabel iliwor iyong aro. Isiakini iyong adukuoru nakitetet a akai a Akuj. Ani idukokini iyong amoru na esal iremarete ngitunga tamasi, ‘Ibus kare, kibuser kare!’ ” Abu Ekapolon Akuj nabo katolimok ayong akiroit ache tama, “Ngakan a Serubabel kesi adukokis ngateak a akai kana, nakaneni ngakan keng erumorete akiduk. Ani esubakin nguna, eyenunete ngitunga kang atamar ayong Akuj Namerikanyer ngesi kameuni iyong nikech. Emenyarito ngitunga adukuoru a akai a Akuj ani ilagilagitere eduke, nakaneni elakarosi kesi na ingolikineta Serubabel erubakinit akiduk akai a Akuj(...)