Read turkana Malaki 4 Bible Online

Malaki 4 - turkana bible

Malaki 4

¹Ebala Ekapolon Akuj Namerikanyer kona, “Kingolikisi a, ebunit akolongit na erirae loger a ekeno alokariran. Lukenisak daang ka luaronok, echakakinio neni tonomia loger a nginyia. Enomiari napei anatorom tanang nateni, emam ibore idongi.

²Nakaneni ani esi lu ikerito ekiro kang, erupuni agogongu kang nakayuunan anikus loger a akolong, sodi yau akitangalekino ikoni ngamorokin a akolong. Ipudunete esi ichurosi loger a ngitak alu engaunitae ananok.

³Akolongit ngina, ipudaarete esi luaronok, ikokinete kesi apua alokwap ngakejen kus. Alimu ayong Ekapolon Akuj Namerikanyer.

⁴“Kitamutu ngakitatamet a ekasuban etich kang Musa, ka ngitalio ka ngakichiket na adungokini ayong ngesi alomoru a Sinai kotere Ngisirael daang.

⁵“Kingolikisi a, ameuni ayong nikus ekadwaran Elija eringa akolongit naapolon naketubulon a Ekapolon Akuj nyenanga.

⁶ Ereeuni ngesi ngitai a ngikauriak nia ngide kech, toreeu lua ngide nia ngikauriak kech. Ani kemam, abuni ayong enyasu akwap kus a ngilam.”