Read turkana Akitamunet a Etal 23 Bible Online

Akitamunet a Etal 23 - turkana bible

Akitamunet a Etal 23

¹“Emam ekile lo idongitoe kori lo etuboritae amir keng lo eliwor epei a ngitunga a Ekapolon Akuj.

²“Emam ikoku nia akeor kori alesit keng ni eliwor ipei a ngitunga a Ekapolon Akuj, napei anikeng tanang nalesit na a ngatomon.

³“Emam Ngiamor kori Ngimoab kori ngalesea kech ni eliwor ipei a ngitunga a Ekapolon Akuj, tanang ales na a ngatomon.

⁴Kipukorete kolong kesi esi akimuj ka ngakipi alorot na irotokinioto alo Misiri, nabo todiaka kesi Balaam lokookeng a Beor, lo a ere a Pesor alo eyei Mesopotamia, sodi bu ngesi kilam esi.

⁵Nakaneni abu Ekapolon Akuj na erai Akuj kus nyiira ngakiro a Balaam, pearai abu Akuj kiloch ngilam ngulu toliworos apiaro, kainyo kimina ngesi esi.

⁶ Ngirwa daang lu iyareta esi, nyiingarakis ngibukui ngulu, kori nyiisak erot lo itabareta kesi.

⁷“Nyiimenyasi Ngiedomae, kainyo eraakasi ngiyenet kus. Nabo nyiimenyasi Ngimisiri, kainyo ilomito kolong esi nakwap kech.

⁸Napei analesea kech ana a ngauni tanang na isidiunosi, eliworosi ngitunga a Ekapolon Akuj.

⁹“Ani iyakasi nadakar ngirwa lu ejie, totiakas ka ibore daang ni kitiliwori esi ngitunga lu nyitaleuno.

¹⁰Ani keyei ekile lo nyitaleuno ani erujaa nakwaare kitapapal niperiet, esakitae ngesi topudo nikalapatan a adakar kiboikin inaa.

¹¹Ani enangi ebong kilota akwaan keng sodi tobongu nadakar edooyori akolong.

¹²“Totiakutu wadio anikalapatan kingaranakinotor iloseenete kinga.

¹³Totinga akitoe iloose kinga sodi ani irumorete esi akingarakin, tobokasi ngalup tonuka ngachin.

¹⁴Kitaleutu adakar kus toseger kainyo eyei Ekapolon Akuj na erai Akuj kus nadakar irukito ka esi, nabo kitee esi kiinakini agogongu na idwangeta ngimoe kus. Warasi nyiisuba ngakiro naaronok na itongoyete Ekapolon Akuj kitonger esi.

¹⁵“Ani kedoki ekedalan ani eyei ilope bu nikon esaki ayuuno, nyiibua.

¹⁶Kimiek ngesi kiboikin lore locha esaki ngesi alorerea kon, nabo nyiiboliar.

¹⁷“Emam itwaan a Ngisirael kerai iberu kori ikile ni elomari akilip Akuj alorot a emalaanu.

¹⁸ Nabo, emam ngaropiyae na eriamunitae a erot kangolo na eyaunio kai a Ekapolon Akuj ana erai Akuj kus anisek ekongitere. Eremokino Ekapolon Akuj ngamalaae alokai keng.

¹⁹“Ani iinakini iyong Esiraelit loche ngaropiyae kori akimuj taar amicha, nyiisak akiatakin ngaropiyae ngache ni eyakasi nakon.

²⁰ Ipedori iyong akisiatakin itwaan a akwap anache, nakaneni nyiisiatak Esiraelit loche. Kiwapa etal ngolo sodi kitopiarea esi Ekapolon Akuj anakiro kadaang ana isubete esi anakwap ana kiinakini ngesi esi toloma.

²¹“Ani ikongi iyong ani a Ekapolon Akuj ana erai Akuj kus, wara nyiisik akisub nguna ichikakini iyong atamar isubi, kainyo esaki Ekapolon Akuj na erai Akuj kus kirichak iyong akichikakinet ngina, nabo eliwor akisech erai pekirichak iyong.

²²Emam akisech eyei erai pekikong iyong ani a Ekapolon Akuj,

²³nakaneni ani kikong iyong a akiding kon a ilope, kirichak akikongiet ngina.

²⁴“Ani kitor iyong mana a itwaan, tanyam ngamusabib cha daang na isaki iyong nakaneni tochoite igerori na itingi a ibore.

²⁵Ani kitor iyong mana a itwaan na a ngimomwa, tanyam ngimomwa lucha ipedori abilun a ngakan kon, nakaneni tochoite itubi a ekileng alolemet.