Read turkana Ngitichisio 17 Bible Online

Ngitichisio 17 - turkana bible

Ngitichisio 17

¹Torotokis kitoro Amupipolia ka Apolonia tanangut Tesalonike ni ayei akai a Atuk.

²Tolot Paulo kai a Atuk lopit lopalem sek. Topegas ngesi ka ngitunga kaneni a ngirwa a nguuni alu enyaritae ngasabatoi

³ka akisisaun ngagiran nabo kidodik kesi atamar ajoikinit Kiristo eboliare ani erumor toyaru. Tolimok Paulo kesi tama, “Yesu lo kalimokinit ayong esi ngakiro keng lo, ngesi erai Kiristo.”

⁴Tonupa epewae kech ngakiro nguna sodi kibaka alowae a Paulo ka Sila. Tonupa tani ngaberu na ayenikinitae nakaalak ka Ngigirik lukaalak lusek elipito Akuj.

⁵Nakaneni toting Ngiyaudi etereku. Tochunakis ngitunga lu elato pas alorotin toliwor ibore ajore. Kitachalut kesi ngitunga a ere daang. Toremo kesi awi a itwaan ani enyaritae Yason, esakete aanyun Paulo ka Sila torikut nikalapatan ni aya ngitunga.

⁶Ani na angopikineta Paulo ka Sila kesi, kiriyasi Yason ka ngikanupak ngiche lokapolok a ere echalasi ebalasi, “Ngitunga lu ebelukwaasi akwap daang lugu, apot tokona nege.

⁷Etepeyon Yason kesi anawi keng. Esechito kesi daang ngitalio a ekapolon a Ngiroma ani ebalatar abe eyei ekapolon eche lo enyaritae Yesu.”

⁸Tachalut ngitunga ka ngikapolok a ere na eirareta ngakiro nguna.

⁹Kitolemut ngikapolok a ere Yason ngaropiyae na asakitae sodi talakakinere kesi, ani erumor, talakakinae kesi toloto.

¹⁰Ani napei eliwor akwaar, tolimokis ngikanupak Paulo ka Sila atamar toloto Berea. Na anangeta neni, tolomasi kai a Atuk.

¹¹Aminasi ngitunga kaneni akiirar ngakiro peekote lu aya Tesalonike. Eitanito kesi noi ngakiro na apupete. Kisomata kesi ngagiran ngirwa daang esakete akiyen keraakasi ngaka iteni ngakiro na eruoro Paulo.

¹²Tonupa ngikaalak ngakiro a Akuj. Tonupa ngaberu a Ngigirik nakaalak na erimae ka ngikiliok a Ngigirik dang lukaalak.

¹³Nakaneni ani iirarete Ngiyaudi lu aya Tesalonike atamar itatami nabo Paulo ngakiro a Akuj alo Berea, toloto inaa sodi tolomakis akichuchere ka akichuum ngitunga.

¹⁴Torikosi ngikanupak ngulu Paulo atipei tolot nakan na a ekwaas a anam. Nakaneni kidongo Sila ka Timoteo Berea.

¹⁵Tananga ngikanupak lu etenarito Paulo Atene. Ani erumor tobongosi Berea alimokin Sila ka Timoteo atamar esaki Paulo kesi toloto ni eyei ngesi atipei.

¹⁶Ani eringa Paulo idarit Sila ka Timoteo alo Atene, toriaba noi ngakiro a ngakujo anasubuna ana eleleba lore ngolo.

¹⁷Topega ngesi ka Ngiyaudi ta ngibukui lu nyerai Ngiyaudi lu elipeenete Akuj alokai a Atuk. Topega ngirwa daang tani ka ngitunga lu aponeenete ni agielanarere ngiboro.

¹⁸Topega ngesi ka ngiketatamak ngiche enyaritae Ngipikuro ka Ngisitoik kingitas ngiche kech tamasi, “Abe abaangu ani mono esaki lo alimun?” Tatachut luche tamasi, “Abe esibit bo iruoro ngakiro a ngakujo peyok.” Alimuunete kesi nguna kainyo etatami Paulo ngakiro a Yesu ka akiteyaruno.

¹⁹Kirumut kesi Paulo torikosi Natuk na eriamit moru lo enyaritae Areopago. Sodi tolimut tamasi, “Kisaki sua atoyena akitatamet nakitetet ilimit iyong naga.

²⁰Ngakiro ngache na iruoro iyong, nyiirara sua a ache nakaneni kisaki atoyena eger kech.” (

²¹ Ngitunga a akwap a Atene ka ngitunga lu nyerai ngika a akwap kangina lu alomito neni, aminasi noi ekiruor jiik ka akipup ngakiro nakiteat.)

²²Towo Paulo alongaren ngitunga a Atuk tolim tama, “Ayen ayong atamar alopit kadaang, ikerito esi ngitunga a Atene ngakujo nasubuna.

²³Alimunit ayong nguna kainyo na alosio ayong alore kus, ni ilipeeneta esi ngakujo nasubuna, atorukau ekeno lo ipeyonokinere Akuj lo egiritae ngakiro nu, ‘NIA AKUJ ANA NYEYENIO.’ Nakaneni ngina tokona ilipito esi peiyenete ngesi ketatami ayong esi.

²⁴Akuj nakolong asubi akwap ka ibore daang ni eyei nakwap, kona eraakar ngesi Ekapolon a adis ka ngalup, nyibooyi anakais ana edukete ngitunga.

²⁵Emam ibore esubanakinete ngitunga ngesi kainyo emam ibore ichana ngesi. Erai tani ngesi nabo itaanyunit ngitunga daang akiyar ka akianga ta ibore daang.

²⁶Asubuni ngesi ngibukui daang a ngitunga anitwaan a ipei sodi kitolom kesi lowaitin daang a akwap. Aree kolong ngesi ekingaren etiae a ngikaru kech ka ngiwaitin lu elomete ngibukui.

²⁷Ekokini ngesi neni sodi tasaketa kesi Akuj, dio kiyookinotor erai itwangete esakete ngesi. Tani ikoni neni dang, nyelona Akuj aniyok kadaang,

²⁸kona alimunio itwaan ebala, ‘Nikeng ngesi kiyarea ngoni, nabo atoloose ka ayakau.’ Loger lopei alimunioto ngikegirak kus ngiche a ngieosio ebalasi, ‘Kirai ngoni dang ngalesea keng.’

²⁹Kona kiraakar ngoni ngalesea a Akuj, nyejoikinit ngoni kitami atamar kori ikoni Akuj egolit, kori akwangat na elalak ngaropiyae kori amoru na itiakitae a ekunonoonu ka aosou a ngitunga.

³⁰Nyimarit Akuj ngikaru lu peayeneta ngesi ngitunga. Nakaneni adungoki tokona ngitunga daang awadaang atamar tolunga ngasechesea kech.

³¹Kainyo aseu ngesi akolongit na irira ngitunga daang a akwap alorot alo eriyan. Erai itwaan ni aseu ngesi irirae ngitunga a akwap. Etunup ngesi ngitunga daang ngakiro nguna ani eteyarunea itwaan ngini!”

³²Ani iirarete kesi ngakiro a ayaruni, tokienatar ngiche kech ngesi, nakaneni tolimut epewae tamasi, “Kisaki sua eirasi iyong nabo iruoro ngakiro nguna.”

³³Sodi torotok Paulo alokiriam kangolo.

³⁴Pot ngitunga ngiche kiruko ka kesi tonupa ngakiro a Akuj. Ipei kech anyaritae Donisio lo arai itwaan a Atuk ka aberu enyaritae Damari ta ngitunga luche.