Read turkana 2 Ngikorintoi 6 Bible Online

2 Ngikorintoi 6 - turkana bible

2 Ngikorintoi 6

¹Alotich alo kisubi ngoni ka Akuj aapei, kimaimai sua esi lu ianyut ajokis a Akuj atamar warasi nyeliwor apasit.

² Kiirasi na elimunit Akuj kona, “Abu ayong eira ngakiro kon esaa lo itemokino, sodi kengarak iyong akolongit na a ayuuno.” Topupok a! Esaa lo itemokino ngesi lo, akolongit na ayuuno ngesi naga!

³Emam itwaan kisaki sua kingolik atamar esechech etich kosi. Nakaneni kisaki sua akisub ngakiro na nyibatarete ngitunga.

⁴Nakaneni anakiro kadaang ana kisubi sua, kidodiunit sua atamar kirai ngikasubak etich a Akuj ani kinaikinea atitinyikin aboliaro ka ariaba ta ngichan.

⁵Kides sua, kien alojala, kisuburae, kitusub sua etich loationon nabo kikieny kiiya, nabo kiron akimuj.

⁶Kidodiun atamar kirai ngikasubak etich a Akuj kotere akikiuna kosi, ka aosou ka atitinyikin ta apatanu, ka Etau a Akuj, ka amina na emam amodeanut,

⁷ka ngakiro na a iteni ta agogongu a Akuj. Ateneanut erai iborosit yok a ejie, ni kiramari ngoni ka nikigakinea.

⁸Kirimae sua nabo kimenyaritetei, kiyenyio sua nabo kipuruunitetei. Kitisibitae sua ngikaliokok, tarai bo kiruoro sua ngakiro na eraakasi iteni,

⁹kisibit lu nyikiyenio, tarai bo kiyenikinitae lokojokon, kisibit lu kitoaka, nakaneni kiyari sua loger lo kiteeto esi. Ani tani kidesio, nyikitoaki sua.

¹⁰Tani kialolongi, kilakara sua jiik, esibit kibootonit, nakaneni kitabari sua ngitunga ngikaalak, esibit emam sua ibore kitingit, tarai bo kitingit ibore daang.

¹¹Ngipaalon luminan lu iyakasi Korinto! Kilimok sua esi ngakiro kosi daang, kisunyak sua esi ngakiro daang na a ngitai kosi.

¹²Meere sua kimikit esi ngakiro na eya lotai kosi, esi kesi kimikito sua ngakiro na eya lotai kus.

¹³Kesuruori tokona ayong esi kona a ngide kang: kisunyakinae sua ngakiro daang na eya lotai kus loger lo kisunyakinea sua esi nakosi!

¹⁴Warasi nyiisak akikwaanikin ka ngitunga lu nyenupito Akuj. Ikokinete ngakiro na eteniyete ikwaanikin ka na ichwangakina ai? Ikokini akicha ikwaanikin ka aribu ai?

¹⁵Ikokini Kiristo epupokin ka Ekipe ai? Nyoni emorete ekanupan ka lo nyerai ekanupan?

¹⁶ Ikokini Akai a Akuj imorikin ka ngakujo nasubuna ai? Kainyo kirai ngoni akai Akuj ana eyari! Loger lo alimunio Akuj tama, “Alomi ayong ni eya ngitunga kang sodi eboikin kiding kech, aliwor ayong Akuj kech, eliworosi kesi ngitunga kang.”

¹⁷Nakaneni ebala Ekapolon, “Torotokisi anikech, totiakas ka kesi, nyiitap ibore nia nginyas, dio katacham ayong esi.

¹⁸ Aliwor ayong Apakus, iliworosi esi ngide kang, talokookang ka tanakookang, alimu Akuj Naationon.”