Read turkana Yochua 12 Bible Online

Yochua 12 - turkana bible

Yochua 12

¹Apot sek Ngisirael toremo akwap na ayei kide Yorudan, tolemasi napei anadipo a Arinon tanang nadipo a Yorudan. Ani alowae alo alokwap, tanang moru a Erimon. Kidwanga kesi ngikapolok ngiarei.

²Arai epei Sion, lo arai ekapolon a Ngiamor lo apolokinit Echibon. Apolokinit ngesi tani epewae a akwap a Gilead napei alo Aroer (ani eyei lokukuoru a adipo a Arinon) ka ere lo eyei kiding adipo ngina, tanang nangolol a Yabok, ni etiakaror Amon.

³Anangit ni apolokinit ngesi nadipo a Yorudan, alowae alo eyei kwap anam a Galilaya, tanang Bes Yechimos (Kide anam a Amakat) kiriwor jik tanang nakeju a emoru a Pisiga.

⁴Apot nabo kesi kidwanga Ogu lo arai ekapolon a Bachan, lo arai epei a ngikapolok alu esal a ngitunga alulangir kooyak anyaritae Ngirepai. Apolokinit ngesi Achitaros ka Edirei.

⁵ Apolokinit napei alomoru a Erimon, ka Saleka ta akwap a Bachan daang, tanang lokukuoru a akwap a Gechur ka Maaka ta epewae a Gilead ni esalunitor akwap a ekapolon alo anyaritae Sion alo arai ekapolon a akwap a Echibon.

⁶Musa lo arai ekasuban etich a Ekapolon Akuj, ta Ngisirael, apot kidwanga ngikapolok luarei ngulu. Abu Musa nak ekitela a Reuben ka Gad epewae a ekitela a Manase ngina kitiliwosi akech.

⁷Apot Yochua ka Ngisirael kidwanga ngikapolok daang lu alomito nakwap na ayei too Yorudan, napei alo Baaligad ani eyei nadipo a Lebanon tanang lowae loa lokuju, ni eyei emoru a Alak, diyete Edom. Abu Yochua tokorak akwap ngina ngitela toliwor akech jik.

⁸Anangit akwap ngina nakwap na ngimukur ka ngaukon na alo too, ka adipo a Yorudan ka ngaukon keng, ka ngakokoriyoret a emoru na alo kide, ta ariet a Negeb. Arai sek akwap ngina aka Ngiiti, ka Ngiamor, ka Ngikanaan, ka Ngiperes, ka Ngiipi ta Ngiebus.

⁹Apot Ngisirael kidwanga ngikapolok a ngirerea alu enyaritae Yeriko, ka Ai (diyete Besel),

¹⁰ka Yerusalem, ka Eburon,

¹¹ka Yarimus, ka Lakich,

¹²ka Egilon, ka Geser,

¹³ka Debir, ka Geder,

¹⁴ka Orima, ka Arad,

¹⁵ka Libina, ka Adulam,

¹⁶ka Makeda, ka Besel,

¹⁷ka Tapua, ka Eper,

¹⁸ka Apek, ka Lacharon,

¹⁹ka Madon, ka Asor,

²⁰ka Chimuron Meron, ka Akichap,

²¹ka Taanak, ka Megido,

²²ka Kedech, ka Yokineam (lo eyei Karimel),

²³ka Dor (lo eyei lokwaas a anam), ka Goimu (lo eyei Galilaya,[5])

²⁴ta Tirisa, ngikapolok ngitomwon-uni ka epei daang.