Read turkana Yochua 16 Bible Online

Yochua 16 - turkana bible

Yochua 16

¹Ekukuor a akwap ana atiakakinio ngalesea a Yosep alowae alo alokuju, esiakini alo Yorudan ana eyei diyete Yeriko, ana eyei kide ngileleae a Yeriko, toten nariet. Esiakini alo Yeriko kiriwor toten nakwap a ngimukur tanang Besel.

²Kisiak alo Besel, tanang Lus, kipor tanang Ataros Adar ni alomito Ngiarak.

³Kinapar too tanang nakwap a Ngiyapilet, alowae alo alokwap Bes-oron. Kisiak kaneni tanang Geser, tasalu ananam a Mediterenian.

⁴Apot ngitela a Yosep lu araakasi ngitela a Epiraim ka Too Manase nakinae akwap toliwor akech.

⁵Naga ngesi arai akwap a ngitunga a Epiraim. Esiakini ekukuor a akwap kech alo Ataros Adar kiriwor kide tanang kuju Bes-oron,

⁶kinapar tanang nanam a Mediterenian. Ebakit Mikimesas alokwap. Alo kide keng, torii ekukuor toten Taanas Chilo, kiporo alo kide tanang Yanoa.

⁷Sodi kisiak alo Yanoa tanang Ataros ka Naara, tanang tani Yeriko, sodi tasalu alo Yorudan.

⁸Kiriwor ekukuor too alo Tapua tanang nayanae a Kana, tasalu ananam a Mediterenian. Akwap ngina ngesi atiakakinio ngitunga a ekitela a Epiraim toliwor akech,

⁹imorikinio aapei ka ngadakarin na ayakasi nakwap a Manase, taraakas ngaka ngitunga a Epiraim.

¹⁰ Apot kesi nyiitwarakis Ngikanaan lu alomito Geser. Eringa Ngikanaan elomito wapei ka ngitunga a Epiraim tani tokona. Apon kesi kidesikinae akisub etich loger a ngikedalak.