Read turkana 2 Yoana 1 Bible Online

2 Yoana 1 - turkana bible

2 Yoana 1

¹Ayong Ekasukout egirakinit akimat naseuna ka ngide kon lu amina ayong noi, abarua naga. Meere ayong bon kamina, pearai kiminasi esi ngitunga daang lu eyenete ngakiro na iteni,

²kainyo erubete ngakiro na iteni aniyok nabo kirubi ka ngoni nakajik.

³Kigasi atamar kitaanyu esi Akuj Apa ka Yesu Kiristo Lokookeng ajokis ka akisienut ta ekisil, kigasi atamar toliworos ngayok ani a iteni dir ka aminatoi.

⁴Abu ayong atalakar noi na arukaunea ngide kon ngiche iwapito ngakiro na iteni, loger lo kidungokinea Akuj Apa yok.

⁵Kemaimai tokona iyong akimat naminat atamar atominakinos. Nyeraakasi ngakiro na kemaimaea ayong iyong nugu ngaka etal kitetet, eraakasi na etal alo kiyeni ngoni napei kolong anakisiakinet.

⁶ Amina na eruoro ayong naga ngesi atamar, ejoikinit ngoni kiboi kiwapit ngitalio a Akuj. Etal lo iirasi esi dang napei kolong anakisiakinet ngesi lo a atamar ejoikinit esi daang ibooyete iminakina.

⁷Apetakin ngikengalak lukaalak ngakwapea daang, ngitunga lu nyenupito atamar abuni kolong Yesu Kiristo erai itwaan. Itwaan ni ikoni ngini erai ekaliokon nabo Eketepegan a Kiristo.

⁸Tochoikinos robo nyeebukor ebachit lo isubeta esi etich nyianyut, nakaneni ejok ianyunete ebachit kus daang.

⁹Itwaan daang ni nyiwapi ngakitatamet a Kiristo, toliwor edeparit emam Akuj anikeng. Itwaan cha daang ni iwapi ngakitatamet nguna, eyei Akuj Apa ka Lokookeng nikeng.

¹⁰Tokona bocha, ani kebu itwaan nikus ni nyeyaunit ngakitatamet nugu, nyipeyout ngesi nawiyei kus, nyiilimut tani tamasi, “Kiruko ka ekisil.”

¹¹Kainyo itwaan ni egatakinit ngesi ekisil eliwor erukitos keng anakiro anaaronok esubi ngesi.

¹²Eyakasi ngakiro nakaalak asaki alimokin esi, nakaneni nyasaki egirak nabarua. Erai asaki abunere ataanyun eana a ngakituk, sodi atalakarotor lokojokon noi.

¹³Kimalaate iyong ngide anakaatokon anaseuna.