Read turkana Akitoodikinet 2 Bible Online

Akitoodikinet 2 - turkana bible

Akitoodikinet 2

¹“Kigirak emalaikat lo a ekanisa alo a Epeso kona: Eraakasi ngakiro nugu ngaka ngolo etingit ngikanyer ngikan-kaarei anakan keng ana aloteten, ngesi ngolo nabo elosi alokiding ngasua na a egolit nakan-kaarei.

²Ayeni ayong ngakiro kon daang, ayeni ayong atamar itionik iyong akisub etich lokojokon noi nabo inaik nakaalak. Ayeni ayong atamar nyinaikini iyong ngakiro a ngitunga aluaronok, nabo iroana iyong tani lu ebaasi kirai ngimeanara a Akuj tarai nyeraakasi. Iyen iyong kesi atamar eraakasi ngikaliokok.

³Inaikinit iyong, kiboliare iyong kotere ayong, nakaneni nyesuro iyong etau kon.

⁴Nakaneni eitunit ayong nugu anikon, ipalik iyong amina ayong loger lokolong kon a ekingaren.

⁵Nakaneni kitam nikolong iyei iyong eroko nyedakara! Tolung ngasechesea kon tosub nakolong isubi iyong ekingaren. Ani pekilung iyong ngasechesea kon, abuni ayong nikon atolema asuat na itoweit ataa kon ani eyei.

⁶ Nakaneni kajoikinito ayong ngakiro nugu anikon: iremokino iyong na esubete Nginikolai loger lo aremokinookor ayong dang.

⁷“Ani keya iyong ngaki nakiiraret, kiira robo ngakiro na elimokinit Etau a Akuj ngitunga a ngikanisae! “Ani ngulu ipiunete naaronok, achamakini ayong enyamete ageor a ekitoe a akiyar alo erupunit Alomana a Akuj.

⁸ “Kigirak emalaikat lo a ekanisa alo a Simurina kona: “Eraakasi ngakiro nugu ngaka ngolo erai lo ekingaren ka lo a esal, ngolo atoani, toyaru.

⁹Ayeni ayong ngichan kon, ayeni ayong atamar kibootonit iyong, nakaneni irai karika cha iyong ekabaran! Ayeni ayong ngakiro naaronok nakiruorotor iyong ngitunga lu ebaasi kirai Ngiyaudi tarai nyeraakasi, eraakasi kesi ngitunga lu eraakasi ngika Esiitan!

¹⁰Wara nyiem ibore idio ni kiboliare iyong. Topupokisi a! Kining esi Ekipe esaki esi ngiche toinikinae lojela, nakaneni irikarete ngichan kus ngirwa ngitomon. Warasi nyikingero ayong tani kiar, sodi kainak ayong esi akiyar erai ebachit lo ipiuneto esi.

¹¹ “Ani keya ngaki, kiira robo ngakiro na elimokinit Etau a Akuj ngitunga a ngikanisae! “Ani ngulu ipiunete, nyewani akitu na a ngaarei.

¹²“Kigirak emalaikat lo a ekanisa alo a Perigamon kona: “Eraakasi ngakiro nugu ngaka ngolo etingit ekileng lokakwanan lo ekwaka ngiwaitin ngiarei.

¹³Ayeni ayong ni ibooyo iyong, ibooyi iyong ani eyei ekicholong a apolou a Esiitan. Inupit iyong ngakiro kang dir, nakaneni nyepalikina iyong anupit ngakiro kang tani ngirwa lu aarere Antipas, ekaanyunan kang lo amuno ayong, taarae kaina ibooyo Esiitan.

¹⁴Nakaneni eya ayong ngakiro nadikidio eitunit anikon: eya ngiche kus lu iwapito ngakitatamet a Balaam, lo etatami Balak areere Ngisirael kitosech ani emaimaea kesi akinyam akimuj na alemikinitae ngakujo nasubuna ta emalaanu.

¹⁵Aloger alopei kangolo, eya ngitunga nikus lu iwapito ngakitatamet a Nginikolai.

¹⁶ Tolunga tokona ngasechesea kus! Ani pekikokis neni, abuni nikus atipei etiji ngitunga ngulu a ekileng alo epuduni anakituk kang.

¹⁷“Ani keya ngaki, kiira robo ngakiro na elimokinit Etau a Akuj ngitunga a ngikanisae! “Ani ngulu ipiunete, ainakini epewae a akimuj ana iweitae enyaritae manna. Nabo ainakini ipei kech amoru nakwaan na igiritae ekiro lokitetet lo emam itwaan eyeni mati itwaan ni einakinio.

¹⁸“Kigirak emalaikat a ekanisa alo eyei Tuatira kona: “Eraakasi ngakiro nugu ngaka Lokookeng a Akuj, alo enokete ngakonyen loger a asarae a akim, nabo imaunito ngakonyen keng loger a akwangat ana ipusitae.

¹⁹Ayeni ayong na isubi iyong. Ayeni ayong amina kon, ka eger lo imuno iyong ngakiro kang, esube kon etich, ta anaikinit kon. Ayeni ayong atamar isubi iyong nakaalak na idwangito nakolong isubi ekingaren.

²⁰Nakaneni ngakiro nugu ngesi eitunit ayong anikon, abe inaikinit iyong ngakiro a aberu anabe Yesebel, ana ebala arai akadwaran a Akuj. Ibatarit ngesi ngikasubak etich kang a ngakiro ana itatami esaki kesi toliworos ngimalaae nabo tanyama akimuj na elemikinitae ngakujo nasubuna.

²¹Atinenik ayong asaki ngesi tolung ngasechesea keng, nakaneni nyesaki ngesi apalikin emalaanu keng.

²²Nakaneni achakakini ayong ngesi lokitanda lo eriabatar ngesi noi ka lukolong alometa. Asubi ayong nguna tokona erai pekelunga kesi ngakiro naaronok asubete ka ngesi.

²³ Aari ayong tani ngirukitos keng, sodi toyena ngitunga a ngikanisae kadaang atamar ayong ngesi ayeni ngitamen a itwaan kadaang ka ngakiro na esaki ngesi. Atachi ayong itwaan daang itemem ka na asubi ngesi.

²⁴“Nakaneni nyiiwapa esi luche lu iyakasi Tuatira akitatamet naaronon naga, eringa esi nyeyenuna ngakiro na enyarito ngiche, ‘Ngakiro namunonoe noi a Esiitan.’ Kalimokinit ayong esi atamar emam eogos eche ewaakini ayong nikus.

²⁵Nakaneni kirichakisi lokojokon na ianyut esi tanang ngirwa lu abunio ayong.

²⁶Ani ngulu ipiunete, lu erubakinete esubete na asaki ayong tanang losal, etiliwori ayong kesi ngikapolok a ngibukui.

²⁷Epolokinete kesi ngibukui a asuat anakapis, topetasi loger lo ebwangatar ngamoti nalupei kiealaros. Kikok eger lo aanyunea ayong dang apolou anika apakang.

²⁸ Ainakini ayong kesi etop lo a ataparach.

²⁹“Ani keya ngaki, kiira robo ngakiro na elimokinit Etau a Akuj ngitunga a ngikanisae!