Read turkana Akitoodikinet 7 Bible Online

Akitoodikinet 7 - turkana bible

Akitoodikinet 7

¹Arumoret kanguna, ataanyunga ayong ngimalaikae nguomwon ewaasi alowaitin aluomwon a akwap. Eratakinito kesi ekuwam alowaitin aluomwon kangulu sodi nyekutak ekuwam akwap kori anam kori ekitoe.

²Ataanyunga ayong emalaikat eche ebuni alokide etingit egoliet lo a Akuj ana eyari. Kirema ngesi tanyara ngimalaikae luomwon lu ainakinit Akuj agogongu na inyasuneta akwap ka anam.

³Tolim emalaikat tama, “Nyiinyasut akwap ka anam ta ngikito mati mono kimacharik ngoni ngikasubak etich a Akuj yok emachar loreetin.”

⁴Katolimokin ayong atamar arai ekimar alu amacharikinitae emachar a Akuj loreetin kech 144,000. Araakasi kesi ngika a ngitela alutomon ka ngiarei a Isirael.

⁵Lu araakasi ngika a ekitela a Yuda, araakasi ngabunge ngatomon ka ngaarei, lu araakasi ngika a ekitela a Reuben, araakasi ngabunge ngatomon ka ngaarei, lu ekitela a Gad araakasi ngabunge ngatomon ka ngaarei,

⁶lu ekitela a Acheri, araakasi ngabunge ngatomon ka ngaarei, lu ekitela a Naputal, araakasi ngabunge ngatomon ka ngaarei, lu ekitela a Manase, araakasi ngabunge ngatomon ka ngaarei,

⁷lu ekitela a Simeon, araakasi ngabunge ngatomon ka ngaarei, lu ekitela a Lawi, araakasi ngabunge ngatomon ka ngaarei, lu ekitela Isakar, araakasi ngabunge ngatomon ka ngaarei,

⁸ lu ekitela a Sabulon, araakasi ngabunge ngatomon ka ngaarei, lu ekitela a Yosep, araakasi ngabunge ngatomon ka ngaarei, lu ekitela a Benjamen, araakasi ngabunge ngatomon ka ngaarei.

⁹Arumoret kanguna engolia ayong, sodi ataanyunga asepich a ngitunga, amam itwaan apedori akimarun ngitunga daang! Araakasi kesi lu aponito alobukui kadaang ka ngitela daang ka ngakwapea daang ta ngabukui daang, sodi towaa kesi alongaren ekicholong lo apolou ka ngaren Imesek, enapito ngiworui luakwaak, totingito ngakui anakan kech.

¹⁰Tachalut kesi iremasi ebalasi, “Ebunit ayuuno ani a Akuj yok, ana ibooyi alokicholong a apolou, ka nia Imesek!”

¹¹Towaa ngimalaikae daang kiriama ekicholong lo a apolou ka ngikasukou ta ngitieng luomwon lu ayarete. Sodi tadakakinos kesi kwap kijuuroto alongaren ekicholong a apolou, kilipa Akuj,

¹²eeosi ebalasi, “Aamen! Agasi apiaro ka ekipur ta aosou ka abuakinit Akuj alakara ka arimatoi ta apolou toliwor aka Akuj yok jik! Aamen!”

¹³Kengit ayong epei a ngikasukou tama, “Tangae ngitunga lu enapito ngiworui luakwaak lugu, ani aliwae eponitotor kesi?”

¹⁴ Atatachak ayong atama, “Nyayeni ayong ekaapaan. Iyong ngesi iyeni.” Katolimok ngesi ayong tama, “Ngitunga lugu kesi apuunosi anaboliaro anaaronon noi. Elotasi kesi ngiworui kech a ngaakot a Imesek, akwangeta.

¹⁵Ibore ngini ngesi ewaatar kesi alongaren ekicholong a Akuj, esubete etich keng naparan ka akwaar alokai a Akuj. Eyuuni ngolo ibooyi alokicholong kesi ani eyakar ngesi neni.

¹⁶Nyenyami kesi akoro ka akure nabo jik, nyenomi kesi akolong kori nyichanyun ka nikariran,

¹⁷ kainyo Imesek ni erai ngesi ekidingikino lokicholong a apolou, eliwor ekeyokon kech, eriki ngesi kesi lolelea a ngakipi ana a akiyar. Emiatari Akuj kesi ngakiyo anakonyen kech.”