Read Ўзбек тилидаги Муқаддас Китоб, 2013 Ибтидо 3 Bible Online

Ибтидо 3 - Ўзбек тилидаги Муқаддас Китоб, 2013 bible

Ибтидо 3

¹Парвардигор Эгамиз ҳамма ёввойи ҳайвонларни ҳам яратган эди. Ўша ҳайвонлар орасида анча айёри илон эди. Илон хотиндан:— Ҳақиқатан ҳам Худо, боғдаги биронта дарахтнинг мевасидан еманглар, деб айтдими? — деб сўради.

²Хотин илонга:— Йўғ–э, биз боғдаги ҳамма дарахтларнинг мевасидан ейишимиз мумкин, — деб жавоб берди.

³— Лекин Худо, боғ ўртасидаги дарахтнинг мевасидан еманглар ҳам, тегманглар ҳам, есаларингиз ўласизлар, деб айтган.

⁴Илон эса хотинга:— Йўқ, ўлмайсизлар, — деди.

⁵— Чунки Худо биладики, сизлар бу мевалардан есаларингиз, кўзларингиз очилиб, сизлар ҳам барча яхши ва ёмон нарсаларни биладиган бўлиб, Худога[15] ўхшаб қоласизлар.

⁶Хотин қарасаки, ўша дарахт кўзга чиройли кўринади, мевалари жуда ейишли экан. Хотин: “Қани, энди мевалар менга донолик ато қилсайди”, деб орзу қилди. У дарахтнинг мевасидан олиб еди, кейин ёнида турган эрига ҳам берди. Эри ҳам еди.

⁷Ўша заҳоти икковининг ҳам кўзлари очилиб, улар яланғоч эканликларини англаб етдилар, анжир баргларини сонлари атрофига тизиб, ўзларига ёпинчиқ ясадилар.

⁸Оқшом пайти шабада эсиб турганда, иккови боғда Парвардигор Эгамизнинг юрганини билди. Одам ва хотини Парвардигор Эгамизнинг назаридан қочиб, боғдаги дарахтлар орасига яшириндилар.

⁹Парвардигор Эгамиз: “Қаердасан, эй, одам?” деб чақирди.

¹⁰Одам:— Мен боғда юрганингни билдим–у, яланғоч бўлганим учун қўрқиб, яшириндим, — деди.

¹¹— Яланғоч эканингни сенга ким айтди? — деб сўради Худо. — Мен, еманглар, деб амр этган дарахтнинг мевасидан едингми?

¹²Одам жавоб берди:— Ўзинг менга берган хотин ўша дарахтнинг мевасидан менга олиб келган эди, мен ҳам едим.

¹³Шунда Парвардигор Эгамиз хотинга:— Бу нима қилганинг? — деди.— Илон мени алдади, мен мевадан едим, — деди хотин.</p>

¹⁴Парвардигор Эгамиз илонга шундай деди:“Шу қилмишларинг учунЛаънати бўлгайсан барча жонзотлар орасидаВа жамики ёввойи ҳайвонлар орасида.Қорнинг билан судралиб юргайсан,Умринг бўйи тупроқ егайсан.

¹⁵Душманлик пайдо қиламан сен билан хотин ўртасида,Сенинг зотинг билан унинг зоти орасида.Унинг зоти эзиб ташлайди сенинг бошингни,Сен чақиб оласан унинг товонини.”

¹⁶Хотинга эса шундай деди:“Ҳомиладорлигингда ғоят азоб бераман,Машаққат ила бола туғасан.Аммо эрингни қўмсайверасан,Эринг эса ҳоким бўлади сенинг устингдан.”

¹⁷Парвардигор Эгамиз одамга шундай деди:“Хотинингнинг гапига кирганинг учун,Мен, ема, деб тақиқлаган мевани еганинг учун,Сен туфайли ерни лаънати қилдим.Бутун умринг бўйи тимдалаб ерни,Ердан ўтказасан тирикчилигингни.

¹⁸Ернинг ҳосили емишинг бўлса ҳам,Ер сен учун тиканлару қушқўнмас[16] ўстиради.

¹⁹Сен тупроқдан яралгансан,То тупроққа қайтгунингга қадар,Пешана теринг билан нон ейсан.Зеро, сен тупроқдирсанВа тупроққа қайтасан.”

²⁰Хотин жамики инсонларнинг онаси бўлгани учун, Одам Ато[17] унга Момо Ҳаво[18], деб исм берди.

²¹Одам Ато ва унинг хотини учун Парвардигор Эгамиз теридан кийим–кечак ясаб, уларни кийинтириб қўйди.</p>

²²Кейин Парвардигор Эгамиз шундай деди: “Мана, инсон ҳамма нарсани — яхшилик ва ёмонликни билиб, бизнинг биттамизга ўхшаб[19] қолди. Энди у қўлини узатиб, ҳаёт ато этувчи дарахт мевасидан ҳам олмасин, мевани еб, абадий яшайдиган бўлиб қолмасин.”

²³Шу сабабдан Парвардигор Эгамиз Одам Атони ва Момо Ҳавони Адан боғидан чиқариб юборди. У Одам Атони ернинг тупроғидан ясаган эди, унга яна ўша ерни ишлашга берди.

²⁴У Одам Атони ҳайдаб юборгандан кейин, ҳаёт дарахтига борадиган йўлни қўриқлаш учун Адан боғининг шарқ томонига қанотли мавжудотлар — карубларни ва доимо айланиб турадиган алангали қилични ўрнатди.