Read Ўзбек тилидаги Муқаддас Китоб, 2013 Ибтидо 49 Bible Online

Ибтидо 49 - Ўзбек тилидаги Муқаддас Китоб, 2013 bible

Ибтидо 49

¹Ёқуб ўғилларини ҳузурига чорлаб деди: “Ёнимга келинглар, келгусида сизларга нима бўлишини айтай.

²Келинг, қулоқ солинг, эй, Ёқуб ўғиллари,Эшитинг отангиз Исроилнинг сўзларини.

³Рубен, сенсан менинг тўнғичим,Қувватимнинг илк меваси, ҳам қудратим,Шуҳрату қудратда юксаги сенсан.

⁴Лекин денгиз тўлқинидай бетизгинсан,Бундан кейин асло устун бўлмайсан.Отангнинг ётоғига сен кирдинг,Тўшагимга чиқиб, уни булғадинг[343].

⁵Шимўн билан Леви ҳамтовоқлардир,Жабр–жафо қуроли қиличларидир[344].

⁶Ҳеч қачон шерик бўлмасман уларнинг фитналарига,Асло қўшилмасман уларнинг йиғинларига.Улар ғазаб ила ўлдирдилар инсонларни,Роҳатланиш учун майиб қилдилар ҳўкизларни.

⁷Лаънат бўлсин уларнинг раҳмсиз ғазабига,Лаънат бўлсин уларнинг беаёв зулмларига!Тарқатиб юбораман уларни ҳар томонга,Ёқубнинг юртида — Исроилнинг юртида.

⁸Эй, Яҳудо[345], сени мадҳ этар биродарларинг,Ғанимларинг гарданида бўлар қўлларинг.Сенга таъзим қилишар отангнинг ўғиллари.

⁹Яҳудо шернинг боласига ўхшар,Ўғлим, овдан қайтиб келдинг сен,Шердек чўкиб, чўзилиб ётарсан.Сени уйғотмоққа ким журъат этар?!

¹⁰Яҳудонинг қўлидан кетмас салтанат ҳассаси,Унинг наслида қолар салтанат тамғаси,Халқлар унга ўлпон келтирарлар[346],Унга итоат этиб таъзим қиларлар.

¹¹Эшагини у доим боғлайди токка,Хўтикчани — ток новдасига.Шаробда ювади кийимлариниАъло шаробда — кўйлакларини[347].

¹²Шаробдан ҳам қора кўзлари,Сутдан ҳам оппоқ тишлари[348].

¹³Забулун ўрнашади денгиз бўйида,Кемаларга у бандаргоҳ бўлажак.Унинг чегараси Сидонгача[349] боражак.

¹⁴Иссахор қўрада[350] ўрнашиб ётган,Кучли эшакка ўхшар.

¹⁵Кўрсаки, ўрнашган ери нақадар яхши,Жуда ёқимли экан бу жойлар.Юкни кўтармак чун елкасин тутди,Оғир меҳнатга у қул бўлиб қолди.

¹⁶Исроил қабиласининг биттаси бўлиб,Дан[351] ўз халқини ҳукм қилади.

¹⁷Дан йўлда ётган бир илон бўлади,Сўқмоқда чўзилиб ётган заҳарли илон.Отларнинг тўпиғини у чақиб олар,Чавандоз йиқилар, чалқанча тушар.

¹⁸Сендан нажот кутарман, эй, Эгам![352]

¹⁹Гадни[353] талаб кетади босқинчилар,Гад уларнинг изидан бостириб борар.

²⁰Ошер тансиқ таом етиштирар,Шоҳона ноз–неъматлар тайёрлар.

²¹Нафтали озод юрган оҳуга ўхшар,Ажойиб оҳучалар дунёга келтирар[354].

²²Юсуф ўхшар серҳосил токка —Булоқ бўйидаги серҳосил узумга.Унинг новдалари девордан ошиб ўтар[355].

²³Раҳмсиз камончилар унга ҳужум қилишди,Ўқ отишди унга, қаттиқ сиқишди.

²⁴Лекин Юсуфнинг камони таранг тортилди,Унинг қўллари ҳам чаққонлашдиЁқубнинг Қудратли Худоси кучи туфайли,Исроилнинг Чўпони, Қояси туфайли.

²⁵Отангнинг Худоси сенга мадад бергай,Қодир Худо сенга марҳамат кўрсатгайЮқоридаги осмон баракалари ила,Ер қаъридан чиққан сувнинг баракалари ила,Она кўкрагию пуштининг баракаси ила.

²⁶Абадий тоғлар баракасидан[356] ҳам,Ва қадим тепаликлар неъматидан ҳам,Отангнинг дуолари кучлидир.Бу баракалар Юсуфга насиб этур,Биродарлари ичра у йўлбошчи бўлур.

²⁷Бенямин оч бўрига ўхшар,Сабоҳда у ўлжасини ямлаб ютар,Оқшомда у топганини бўлишар.”

²⁸Исроилнинг ўн икки қабиласи ана шулар бўлиб, отаси уларни дуо қилганда, юқоридаги сўзларни айтган эди. Ҳар бирини ўзига лойиқ тарзда дуо қилди.</p>

²⁹Шундан сўнг Ёқуб ўғилларига васият қилди:— Менинг куним битиб боряпти. Мени Хет халқидан Эфрўннинг даласидаги ғорга — ота–боболарим ёнига дафн қилинглар.

³⁰Ўша ғор Канъон юртида, Мамре шарқида жойлашган Махпаладаги далада. Иброҳим бу далани Эфрўндан қабристон учун сотиб олган.

³¹У ерга бобом Иброҳим билан бувим Сора дафн қилинган[357], Отам Исҳоқ билан онам Ривқо ҳам у ерга дафн қилинган. У ерга мен Леахни дафн қилганман.

³²Бобом Иброҳим Хет халқидан[358] сотиб олган ғор ўшадир.

³³Ёқуб ўғилларига васият қилиб бўлгач, яна тўшагига ётди–ю, жони узилиб, ота–боболари ёнига кетди.