Read Ўзбек тилидаги Муқаддас Китоб, 2013 Солномалар 1 11 Bible Online

Солномалар 1 11 - Ўзбек тилидаги Муқаддас Китоб, 2013 bible

Солномалар 1 11

¹Жамики Исроил халқи Хевронга — Довуднинг ҳузурига йиғилиб шундай деди:— Биз сизнинг жигарингизмиз.

²Илгари Шоул шоҳ бўлганда ҳам, урушларда Исроил лашкарига ўзингиз бош бўлар эдингиз. Эгангиз Худо сизга: “Сен халқим Исроилнинг чўпони бўлиб, уларни боқасан, халқим Исроилга сен раҳнамолик қиласан”, деб айтган эди.

³Шундай қилиб, Довуд Хевронда Исроил оқсоқоллари билан Эгамиз олдида аҳд қилди. Исроил оқсоқоллари, Эгамизнинг Шомуил орқали берган сўзига мувофиқ, Довуднинг бошига мой суртиб, уни Исроил устидан шоҳ қилиб кўтаришди.</p>

⁴Шоҳ Довуд билан ҳамма Исроил сипоҳлари Қуддусга юриш қилдилар. Ўша даврда Қуддус шаҳри Ёбус деб аталган бўлиб, у ернинг ўтроқ халқи Ёбус халқи деб аталар эди.

⁵Ёбус аҳолиси Довудга: “Сен ҳеч қачон шаҳарга кира олмайсан”, дедилар. Аммо Довуд Сион қалъасига бостириб кириб, қалъани эгаллади. Кейинчалик бу қалъага “Довуд қалъаси”, деб ном берилди.

⁶Довуд: “Кимки Ёбусларга биринчи бўлиб ҳужум қилса, у лашкарбоши бўлади”, деб айтган эди. Зеруя ўғли Йўаб биринчи бўлиб ҳужум қилди ва лашкарбоши бўлди.

⁷Довуд қалъада яшай бошлади. Шунинг учун бу жой “Довуд қалъаси”, деб ном олди.

⁸У Милло деган жойдан бошлаб бутун шаҳар атрофини девор билан мустаҳкамлади. Йўаб эса шаҳарнинг қолган жойларини тузатди.

⁹Довуд тобора кучайиб борарди, чунки Сарвари Олам унга ёр эди.</p>

¹⁰Қуйида шоҳ Довуднинг баҳодир жангчилари рўйхати берилган. Улар қолган Исроил халқи билан биргаликда Эгамизнинг ваъдасига мувофиқ Довудни шоҳ деб эълон қилганлар ҳамда унинг шоҳлиги учун кучли таянч бўлганлар.

¹¹Довуднинг баҳодир жангчилари қуйидагича: биринчиси — Хахмўн ўғли Ёшувам. У “Учта қаҳрамон”нинг сардори бўлиб, найзаси билан уч юз кишига ҳужум қилганда ҳаммасини бир жангда ўлдирган эди.

¹²“Учта қаҳрамон”дан иккинчиси Охўва уруғидан Дўдў ўғли Элазар эди.

¹³Филистлар жанг қилиш учун Пас–Даммимда тўпланганда, Элазар Довуд билан бирга эди. У ердаги даланинг бир қисмига арпа экилган эди. Исроил лашкарлари қоча бошлагач,

¹⁴Элазар билан Довуд даланинг ўртасида туриб олиб, у ерни ҳимоя қилишди. Филистларни қириб ташлашди. Эгамиз уларни катта ғалабага эриштирди.

¹⁵“Ўттизта қаҳрамон” гуруҳи таркибига кирган ўша учта қаҳрамон Довуднинг ёнига — Адуллам ғори олдидаги қояга кетишди. Рафа сойлигида Филистлар лашкари қароргоҳ қурган эди.

¹⁶Бу пайтда Довуд ўзининг адирдаги қароргоҳида эди. Битта Филист қўнолғаси эса Байтлаҳмда жойлашган эди.

¹⁷Довуд ҳасрат билан:— Қанийди бирортаси Байтлаҳм дарвозасининг ёнидаги қудуқдан менга сув олиб келиб берса! — деди.

¹⁸Ўша учта қаҳрамон Филистлар қароргоҳини ёриб ўтишди–да, Байтлаҳмдаги дарвозанинг ёнидаги қудуқдан сув тортиб, Довудга олиб келишди. Лекин Довуд сувни ичмай, ерга тўкиб, Эгамизга бағишлади.

¹⁹— Бундай қилишдан мени Худойимнинг Ўзи асрасин! — деб хитоб қилди у. — Шу йигитларнинг қонини ичайми? Ахир, улар жонини хавф–хатарга қўйиб сув олиб келишди–ку!Шунинг учун ҳам Довуд сувни ичишни истамади. “Учта қаҳрамон” ана шундай жасурлик кўрсатишган эди.

²⁰Йўабнинг акаси Абушай “Ўттизта қаҳрамон”нинг сардори эди. Абушай найзаси билан уч юз кишини ўлдирди. Шу тариқа у “Учта қаҳрамон” сингари донг таратди.

²¹У “Ўттизта қаҳрамон”дан ҳам машҳур эди, уларнинг йўлбошчиси бўлди. Лекин “Учта қаҳрамон” қаторига кирмасди.

²²Кабзаёл шаҳридан Ёҳайидо ўғли Бинаё деган жасур бир жангчи бор эди. У ажойиб ишлар қилди, Мўаблик икки довюрак одамни ўлдирди. Қор ёққан кунда бир хандаққа тушиб, шерни ўлдирди.

²³Яна бўйи беш тирсак келадиган девдай бир Мисрликни ҳам ўлдирди. Мисрликнинг қўлидаги найзаси тўқувчининг дастгоҳи ходасидай келарди. Бинаё унинг устига таёқ билан бостириб борди. Найзани Мисрликнинг қўлидан тортиб олди–да, ўша найза билан уни ўлдирди

²⁴Бинаёнинг қилган ишлари ана шулардир. Шу тариқа Бинаё “Учта қаҳрамон” каби донг таратди.

²⁵У “Ўттизта қаҳрамон” орасида шуҳрат топди, лекин “Учта қаҳрамон”дан бири ҳисобланмасди. Довуд уни қўриқчилар сардори қилиб тайинлади.

²⁶Бошқа баҳодир жангчилар қуйидагилардир:Йўабнинг укаси Осойил,Байтлаҳм шаҳридан Дўдў ўғли Элханон,

²⁷Харўд шаҳридан Шаммўт,Палонлик Халез,

²⁸Тахува шаҳридан Ихеш ўғли Эро,Онотўт шаҳридан Абуазар,

²⁹Хуша шаҳридан Сиббахай,Охўва уруғидан Илай,

³⁰Натуфо шаҳридан Махрай ва Банах ўғли Халед,

³¹Бенямин наслидан Гиволик Рибай ўғли Итай,Пиратон шаҳридан Бинаё,

³²Гаш сойликларидан Хурай,Байт–Араба шаҳридан Абил,

³³Бахарумлик Озмобит,Шалбим шаҳридан Элияхба,

³⁴Гизонлик Хошим ўғиллари,Харор шаҳридан Шахей ўғли Йўнатан,

³⁵Харорлик Сохор ўғли Охиём,Ур ўғли Элифал,

³⁶Махиротлик Хафер,Палонлик Охиё,

³⁷Кармил шаҳридан Хазро,Эзбай ўғли Нарай,

³⁸Натаннинг укаси Йўэл,Хагри ўғли Мивхор,

³⁹Оммон халқидан Зилах,Берўт шаҳридан Зеруя ўғли Йўабнинг қуролбардори Нахрай,

⁴⁰Йитар уруғидан Эро ва Горив,

⁴¹Хет халқидан Уриё,Охлай ўғли Зобод,

⁴²Рубен қабиласининг йўлбошчиси Шизо ўғли Адинах ва унинг ўттиз жангчиси,

⁴³Махо ўғли Ханон,Митанлик Ёшафат,

⁴⁴Аштарутлик Уззия,Арорлик Хўтамнинг ўғиллари Шомо ва Явиёл,

⁴⁵Шимри ўғли Ёдиёл ва унинг укаси Тизлик Йўхо,

⁴⁶Махавлик Элиэл,Элнамнинг ўғиллари Яривай ва Йўшавиё,Мўаб юртидан Йитмо,

⁴⁷Элиэл, Обид ва Зўволик Ясиёл.