Read Ўзбек тилидаги Муқаддас Китоб, 2013 Солномалар 1 25 Bible Online

Солномалар 1 25 - Ўзбек тилидаги Муқаддас Китоб, 2013 bible

Солномалар 1 25

¹Довуд билан леви йўлбошчилари левиларнинг Осиф, Хаман ва Ёдутун уруғларини созандалар қилиб тайинладилар. Уларнинг вазифаси лира, арфа ва занг чалиб, башорат қилиш эди. Созандаларнинг рўйхати ва уларнинг бажарадиган вазифаси қуйидагича эди:

²Осифнинг тўрт ўғли Заккур, Юсуф, Натаниё ва Осорилах отасининг раҳбарлиги остида бўлиб, шоҳнинг буйруғи билан башорат қилишар эди.

³Ёдутуннинг олти ўғли Гадалиё, Зари, Ешаё, Шимах, Хашавиё ва Маттитиё отасининг раҳбарлиги остида эдилар. Улар лира жўрлигида башорат қилишар, Эгамизга шукроналар ва ҳамду санолар айтишар эди.

⁴Хаманнинг Буккиёх, Маттаниё, Узиёл, Шавувол, Яримўт, Ханониё, Хонин, Элиота, Гидалти, Ромамтизер, Ёшбахаша, Малўти, Хўтир ва Махазийўт исмли ўн тўрт ўғли бор эди.

⁵Буларнинг ҳаммаси шоҳ хизматида бўлган валий Хаманнинг ўғиллари эдилар. Худо Ўз ваъдасига биноан Хаманни сийлаб, унга ўн тўрт ўғил берган эди. Унинг уч қизи ҳам бор эди.

⁶Ўғилларнинг ҳаммаси отасининг раҳбарлиги остида занг, арфа ва лира чалиб, Эгамизнинг уйида созанда бўлиб хизмат қилишар эди. Осиф, Ёдутун ва Хаман бевосита шоҳнинг буйруқларига бўйсунишарди.

⁷Бу созандалар қариндошлари билан бирга 288 кишини ташкил қилиб, Эгамизнинг ҳузурида юксак маҳорат билан мусиқа чалишар эди. Улар хонадонларига кўра, йигирма тўрт гуруҳга бўлинди. Ҳар бир гуруҳ ўн икки кишидан ташкил топган бўлиб, бир раҳбарга эга эди. Уларнинг ҳаммаси — ёшу қари, устозу шогирд ўз вазифаларини билиб олиш учун қуръа ташлашди.Биринчи қуръа Осиф хонадонидаги Юсуф ва унинг гуруҳига тушди.Иккинчи қуръа Гадалиё ва унинг гуруҳига тушди.

¹⁰Учинчи қуръа Заккур ва унинг гуруҳига тушди.

¹¹Тўртинчи қуръа Йизри ва унинг гуруҳига тушди.

¹²Бешинчи қуръа Натаниё ва унинг гуруҳига тушди.

¹³Олтинчи қуръа Буккиёх ва унинг гуруҳига тушди.

¹⁴Еттинчи қуръа Ясарелах ва унинг гуруҳига тушди.

¹⁵Саккизинчи қуръа Ешаё ва унинг гуруҳига тушди.

¹⁶Тўққизинчи қуръа Маттаниё ва унинг гуруҳига тушди.

¹⁷Ўнинчи қуръа Шимах ва унинг гуруҳига тушди.

¹⁸Ўн биринчи қуръа Озариёл ва унинг гуруҳига тушди.

¹⁹Ўн иккинчи қуръа Хашавиё ва унинг гуруҳига тушди.

²⁰Ўн учинчи қуръа Шавувол ва унинг гуруҳига тушди.

²¹Ўн тўртинчи қуръа Маттитиё ва унинг гуруҳига тушди.

²²Ўн бешинчи қуръа Яримўт ва унинг гуруҳига тушди.

²³Ўн олтинчи қуръа Ханониё ва унинг гуруҳига тушди.

²⁴Ўн еттинчи қуръа Ёшбахаша ва унинг гуруҳига тушди.

²⁵Ўн саккизинчи қуръа Хонин ва унинг гуруҳига тушди.

²⁶Ўн тўққизинчи қуръа Маллўти ва унинг гуруҳига тушди.

²⁷Йигирманчи қуръа Элиота ва унинг гуруҳига тушди.

²⁸Йигирма биринчи қуръа Хўтир ва унинг гуруҳига тушди.

²⁹Йигирма иккинчи қуръа Гидалти ва унинг гуруҳига тушди.

³⁰Йигирма учинчи қуръа Махазийўт ва унинг гуруҳига тушди.

³¹Йигирма тўртинчи қуръа Ромамтизер ва унинг гуруҳига тушди.