Read Ўзбек тилидаги Муқаддас Китоб, 2013 Чиқиш 25 Bible Online

Чиқиш 25 - Ўзбек тилидаги Муқаддас Китоб, 2013 bible

Чиқиш 25

¹Эгамиз Синай тоғида Мусога деди:

²“Исроил халқига, Эгамизганазр қилинглар, деб айт. Менга чин кўнгилдан назр қилган одамнинг назрини қабул қил.

³Қуйидагилар сен улардан қабул қилиб оладиган назрлардир: олтин, кумуш, бронза,

⁴кўк, сафсар, қирмизи рангли ип, майин зиғир матоси, эчки жуни,

⁵қизилга бўялган қўчқор териси, юмшоқ тери[118], акас ёғочи[119],

⁶мойчироқлар учун зайтун мойи, муқаддас қиладиган мой[120] учун зираворлар, хушбўй ҳидли тутатқи учун зираворлар,

⁷эфодга тақиладиган ақиқ ва кўкракпечга тақиладиган бошқа қимматбаҳо тошлар.

⁸Исроил халқи Мен учун муқаддас маскан барпо қилишсин, токи Мен Исроил халқи орасида истиқомат қилайин.

⁹Бу Муқаддас чодирни ва унинг ҳамма жиҳозларини Мен сенга кўрсатадиган намунага мувофиқ ясат.</p>

¹⁰Акас ёғочидан сандиқ[121] ясат. Сандиқнинг узунлиги икки ярим тирсак, эни бир ярим тирсак, бўйи бир ярим тирсак[122] бўлсин.

¹¹Сандиқнинг ичкарию ташқарисини тоза олтин билан қоплат. Айланасига олтин гулчамбар қилдир.

¹²Сандиқ учун эритилган олтиндан тўртта ҳалқа ясатиб, тўртала оёғига маҳкамлат: иккита ҳалқа бир томонида, иккита ҳалқа иккинчи томонида бўлсин.

¹³Кейин акас ёғочидан ходалар ясатиб, ходаларни олтин билан қоплат.

¹⁴Ходаларни сандиқнинг иккала томонидаги ҳалқадан ўтказ, токи ходалар ёрдамида сандиқни кўтариб юришсин.

¹⁵Ходалар сандиқнинг ҳалқаларидан айириб олинмасин, доимо турсин.

¹⁶Мен сенга берадиган аҳднинг амр ва қонунлари ёзилган иккита тош лавҳани[123] сандиққа солиб қўй.

¹⁷Тоза олтиндан сандиқнинг қопқоғини ясат. Бу қопқоқнинг узунлиги икки ярим тирсак, эни бир ярим тирсак[124] бўлсин.

¹⁸Шу билан бирга, олтиндан иккита каруб ясат: иккала карубни ҳам қопқоқнинг икки четига зарб уриб ясат.

¹⁹Битта каруб қопқоқнинг бир четида, иккинчи каруб иккинчи четида бўлиб, ҳар иккаласи қопқоқ билан бир бутунни ташкил қилсин.

²⁰Карубларнинг тепага кўтарилган қанотлари қопқоқни беркитиб турсин. Улар юзма–юз туриб, қопқоққа қараган бўлсин.

²¹Қопқоқни сандиқнинг устига қўй. Мен сенга берадиган иккита тош лавҳани[125] сандиққа сол.

²²Аҳд сандиғи[126] устида Мен сен билан учрашаман. Карублар ўртасидаги гуноҳдан поклаш жойи тепасидан Мен сенга гапириб, Исроил халқи учун ҳамма амрларимни сенга бераман.</p>

²³Акас ёғочидан хонтахта[127] ясат. Хонтахтанинг узунлиги икки тирсак, эни бир тирсак, бўйи бир ярим тирсак[128] бўлсин.

²⁴Хонтахтани тоза олтин билан қоплатиб, четларига айлантириб олтин гулчамбар ясат.

²⁵Яна хонтахтанинг атрофи бўйлаб тўрт энли қилиб олтин билан қопланган тахта қилдириб, уни хонтахта оёқларига маҳкамлат. Олтин гулчамбарни хонтахтанинг айланаси бўйлаб тахта устига қилдир.

²⁶Яна тўртта олтин ҳалқа ясатиб, ҳар бирини тахта маҳкамланган жойнинг ёнига — тўртала бурчагидаги тўртала оёғига ўрнаштир. Акас ёғочидан иккита хода ясатиб, уларни олтин билан қоплат. Бу ёғочларни ҳалқалардан ўтказиб, хонтахтани кўтариб юриш учун фойдалан.

²⁹Хонтахтага қўйиладиган лаган, пиёлалар, шароб назр қилиш учун кўза ва косалар ясат. Бу буюмларни тоза олтиндан ясат.

³⁰Менинг ҳузуримдаги хонтахтада доим муқаддас нонлар[129] турсин.</p>

³¹Тоза, зарб қилинган олтиндан чироқпоя[130] ясат. Бутун чироқпоя ва унинг безаклари бир бутун қилиб ясалсин. Чироқпоянинг таглиги, танаси, куртакли гулга ўхшаш шаклдаги пиёлалари бўлсин.

³²Яна чироқпоянинг танасидан олтита шохча чиқарилсин: учта шохчаси бир ёнидан, учта шохчаси иккинчи ёнидан чиқарилсин.

³³Чироқпоянинг танасидан чиқадиган шохчаларнинг ҳар бирида куртакли бодом гулига ўхшаш шаклдаги учта пиёла бўлсин.

³⁴Чироқпоянинг танасида куртакли бодом гулига ўхшаш шаклдаги тўртта пиёла бўлсин.

³⁵Чироқпоянинг танасидан чиқадиган шохчаларнинг ҳар жуфтида бу куртаклардан учтаси бирин–кетин тизилиб турсин.

³⁶Чироқпоя, шохчалари ва куртаклари билан битта қилиб зарб қилинган тоза олтиннинг яхлит бўлагидан ясалиши лозим.

³⁷Чироқпояга еттита мойчироқ ясатиб, унга ҳаммасини ўрнаштир, токи мойчироқлар чироқпоянинг олд томонини ёритиб турсин.

³⁸Мойчироқларга қараб туриш учун тоза олтиндан қисқичлар ва патнислар ясат.

³⁹Чироқпояни ва бу буюмларни икки пуд[131] тоза олтиндан ясашсин.

⁴⁰Эҳтиёт бўл, ўша ҳамма буюмларни Мен сенга шу ерда — тоғда кўрсатган намунага мувофиқ ясат.